O BNG DE FOZ VE IMPRESENTABLE QUE AS PRAIAS AÍNDA ESTEAN SEN SOCORRISTAS
“Ao PP non lle importa o perigo que conleva que as praias estean sen vixiancia”.
“O BNG pide que o Concello contrate a máis xente se é necesaria”
Foz a 6 de xullo de 2012. – O BNG de Foz critica o retraso por parte do PP á hora de contratar os servizos de vixiancia e atención sanitaria para as praias. Ao día de hoxe só está dotada de socorristas a praia da Rapadoira estando todas as demais aínda sen socorristas nin sanitarios.
As praias deberían estar xa todas con vixiancia a estas alturas
Para o BNG esta situación de falta de socorristas e sanitarios nas nosas praias é tremendamente grave pois xa desde o pasado mes hai moitas persoas que acoden cos nenos e nenas á praia para pasear, tomara o sol e bañarse xunto con rapaces e rapazas que están de vacacións xa. Isto supón que poida ocorrer algunha urxencia ou situacións de perigo ou de risco para a saúde das persoas. Por iso é imprescindible que as praias conten con persoas preparadas e capacitadas para afrontar este tipo de situacións que a maioría da xente non sabe como actuar.
O BNG pide que se limpen as praias e que se abran os urinarios ao público
Para o BNG tamén é urxente que comecen os servizos de limpeza nas praias pois durante este tempo non parece que o goberno municipal estea moi preocupado do estado no que están se exceptuamos a Rapadoira. Así mesmo, moitas persoas se queixan de que os servizos de urinarios públicos das praias non estean xa abertos. Isto da idea dunha falta de planificación por parte do goberno municipal moi grande así como dunha inconsciencia total.
Os recortes da Xunta en materia de seguridade nas praias son unha temeridade
Os gobernos do PP – no Estado e na Xunta- para este ano reduciu considerablemente as axudas para a contratación de socorristas e auxiliares sanitarios, calculado nun 54 % aproximadamente. Isto suporá máis de 4.000 empregos menos en Galicia pero sobre todo máis perigo nas nosas praias. En Foz xa o ano pasado se reduciu persoal para estes servizos e tamén se reduciu o número de días. O ano pasado contrataronse 20 socorristas e este ano polas previsións só se contratarán 15 ou 16. Antes do ano pasado o servizo de vixiancia de praias duraba ata o 15 de setembro pero o ano pasado xa rematara unha semana antes e algunhas praias quedaron sen socorristas a principios de setembro. E este ano ao paso que imos nin iso, porque ao día de hoxe aínda todas as praias, menos a Rapadoira, están sen socorristas.
“É moi bonito vir a entregar bandeiras azuis a Foz para as praias como fixo Feijoo e logo recortar máis do 50% as axudas para manter a calidade e os servizos desas mesmas praias” afirma o portavoz do grupo municipal do BNG, Xan Carlos González Basanta.
Para o BNG esta situación é grave posto os recortes do PP significa unha menos e pior vixiancia nas praias, é dicir, que as praias van a estar peor atendidas que noutros anos e durante menos tempo. “Realmente é moi grave que o PP na súa política de austeridade chegue a reducir en prevención de accidentes nas nosas praias xogando coa vida das persoas”.
O BNG de Foz insta ao Goberno Municipal que contrate a máis persoas para o servizo de vixiancia se non foran suficientes co fin de que as nosas praias sexan máis seguras e durante máis tempo. Isto é un deber de todo goberno pero tamén unha forma de promocionar as nosas praias e de mellorar a súa calidade para goce dos da casa e dos foráneos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
