O Día da Bicicleta que se celebra este venres incluirá unha xincana e unha carreira de 5 quilómetros
-Todas as persoas que desexen participar só teñen que achegarse á praza dos Campos ás 16:30 horas para realizar a inscrición
Cervo, 18 de xullo de 2012-O Concello de Cervo, a través da súa Delegación de Deportes, convida a todas as persoas, sen límite de idade, a participar no Día da Bicicleta que se vén celebrando nestas datas estivais organizado pola Asociación Cultural Península da Paz coa colaboración do consistorio. O evento lúdico-deportivo terá lugar este venres, día 20 de xullo, a partir das 16:30 horas na praza dos Campos de San Ciprián. Nese momento abrirase a inscrición de todas as persoas participantes, que deberán levar a súa bicicleta e o seu correspondente equipo de protección.
A actividade comezará ás 17:00 horas cunha xincana para os máis pequenos, consistente en diversas probas de habilidade, como carreiras de obstáculos. Ao remate arrincará a marcha en bicicleta con todas as persoas inscritas, que realizarán un percorrido duns 5 quilómetros por varias rúas da vila e zonas urbanas de San Ciprián. Os participantes poderán repoñer forzas cun avituallamento ao finalizar o itinerario. O Día da Bicicleta completarase coa habitual venda de bolos preñados, cuxos fondos recadados destinaranse á continuación das actividades gratuítas que vén desenvolvendo a asociación organizadora.
Esta xornada forma parte das actividades xa habituais dos meses do verán pola súa capacidade de convocatoria “e polo seu obxectivo de fomento da convivencia entre a cidadanía e a deportividade, xa que o importante non é chegar o primeiro, senón gozar da carreira e do seu itinerario ao mesmo tempo que se practica o ciclismo” explica a edil de Deportes, Yolanda Pedreira.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
