O Concello volve axudar aos clubs deportivos cervenses cunha achega de máis de 22.000 euros
-Os catro clubs de fútbol do municipio son os beneficiarios desta subvención municipal
Cervo, 3 de xullo de 2012-O Concello fixo entrega esta tarde dos cheques correspondentes ás axudas ás asociacións e clubs deportivos do municipio. Catro entidades, o S.D. Cervo-Sargadelos, o C.D. San Ciprián, o S.D.C. San Román e o S.D. Candelaria, son as beneficiarias desta subvención municipal cuxa contía total ascende a 22.300 euros. O alcalde de Cervo, Alfonso Villares e o edil de Deportes, José Ramón Soto, foron os encargados de entregar os cheques aos representantes dos clubs receptores da axuda, que estiveron presentes no acto.
Unha liña de subvención municipal que se vén mantendo nos últimos anos co obxectivo de “apoiar aos clubs federados do municipio contribuíndo a sufragar gastos correntes derivados de actividades de promoción deportiva ou participación en campionatos, así como outros gastos de funcionamento ou mantemento” explica o edil de Deportes.
A través desta axuda “tamén queremos amosarlles o noso agradecemento polo enorme esforzo que realizan estas entidades deportivas para mellorar e para manterse activas ano tras ano” engade Soto, xa que co seu traballo “fomentan a práctica de deporte e animan á mocidade a levar unha vida saudable e dinámica”. Para o delegado de Deportes “a potenciación da actividade física é prioritaria para o goberno local a pesar da difícil situación económica”, polo que seguiremos “axudando aos clubs, impulsando as escolas deportivas ou mantendo as instalacións deportivas municipais e promovendo a súa utilización”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
