O encoro de Río Covo acolleu a III Regata da Copa Deputación de Piragüismo que contou con máis de 150 deportistas
-O padexeiro David Cal estivo presente e entregou as medallas e os trofeos aos gañadores xunto ás edís de Xuventude e de Deportes de Cervo
Cervo, 27 de xullo de 2012-O encoro de Río Covo foi o lugar elixido para a celebración da III Regata da II Copa Deputación na que se deron cita esta semana máis de 150 deportistas de 6 equipos da provincia: o Club Deportivo San Ciprián, o organizador do evento coa colaboración do Concello de Cervo e outras entidades; Piragüismo Viveiro, Kayak Foz, Altruán de Ribadeo, Ciudad de Lugo e Club Fluvial Lugo.
Os participantes distribuíronse en varias categorías, que cubriron todas as idades: benxamín, alevíns, infantís, cadetes, xuvenís, veteranos e sénior, tanto en feminino como en masculino. Os competidores en benxamíns e alevíns tiveron que superar percorridos de 1.500 metros, a distancia foi de 3.000 metros no caso dos infantís e de 5.000 metros no resto de categorías.
O campión olímpico David Cal estivo presente na regata e participou na entrega de medallas e trofeos xunto a edil de Deportes, Yolanda Pedreira, a de Xuventude, Tania González así como o responsable da Delegación Galega de Piragüismo en Lugo, Martín Carballo. A presenza do cuádruple medallista olímpico espertou o interese de numerosas persoas, especialmente pequenos, que reclamaron a súa atención. O padexeiro cangués asinou autógrafos e sacou fotos cos seguidores.
Esta cita deportiva constitúe un “evento atractivo e estimulante para os deportistas, especialmente para os máis pequenos, xa que se trata de competir con equipos da mesma provincia, facendo posible obter boas clasificacións con máis facilidade que en campionatos a nivel autonómico ou estatal” explica a edil de Deportes.
Ademais, segundo Pedreira, “foi todo un luxo para os participantes poder contar coa asistencia de David Cal, un galego que terá moito protagonismo nestes días durante os Xogos Olímpicos de Londres que empezan hoxe”. Por iso, a concelleira quixo desexarlle ao padexeiro “o seu quinto metal nas Olimpíadas”, un anhelo compartido por todo o goberno de Cervo. A edil tamén quixo aproveitar para transmitirlle a Cal que “conta co apoio e o agarimo de todos os cervenses, que xa o senten coma un veciño máis despois de vir tres anos consecutivos a prepararse ao encoro de Río Covo e de compartir e participar en numerosos eventos sociais e deportivos do municipio”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
