O presidente da Xunta, acompañado pola conselleira do Medio Rural e do Mar e da delegada da Xunta en Lugo, visitou as obras do peirao de Mirasol que supuxeron un investimento de máis de 2,2 millóns de euros
FEIJÓO ASEGURA QUE A AMPLIACIÓN DO PORTO DE RIBADEO CONVERTERAO “NUN PORTO MÁIS POTENTE DESDE O PUNTO DE VISTA ECONÓMICO, MELLOR PREPARADO E CON MÁIS INFRAESTRUTURAS”
Salienta que a nova infraestrutura “instala e duplica o porto comercial” e manifesta “a aposta do Goberno Autonómico polo emprego, pola economía produtiva e por Ribadeo”
Insiste na importancia da internacionalización da economía e fai un chamamento “a aqueles que poidan ter interese en investir en Galicia”
“Imos ser aliados de todos os inversores na Comunidade Autónoma”. ”É o momento de facer infraestruturas que movan a economía, que melloren a competitividade e que xeren postos de traballo”, asegura
Ribadeo (Lugo), 27 de xullo de 2012.- O presidente da Xunta, Alberto Núñez Feijóo, asegurou hoxe en Ribadeo que a ampliación do peirao de Mirasol “facilitará o acceso dos barcos e dos buques de atraque e para duplicar as capacidades deste porto” e o converterá “nun porto máis potente desde o punto de vista económico, nun porto mellor preparado con máis infraestruturas e nun porto con máis capacidade de carga e descarga que é o seu obxectivo fundamental”. O ente Portos de Galicia foi o encargado de acometer a actuación que consistiu, por unha banda, no ensanchamento do peirao do extremo norte de Mirasol e, doutra banda, na dragaxe da canle de navegación do acceso ao peirao comercial.
A nova infraestrutura “instala e duplica unha empresa que é o porto comercial”. Así, o presidente manifestou, en consecuencia, “a aposta do Goberno Autonómico polo emprego, pola economía produtiva e por Ribadeo, que xunto con Viveiro e Burela constitúen tres portos fundamentais na cornisa cantábrica”. Feijóo eloxiou ao Concello da Mariña lucense “coñecido polo seu turismo, coñecido polos seus servizos, coñecida polo seu comercio”. “Espero que a partir de hoxe sexa máis coñecida tamén por unha instalación portuaria comercial”, engadiu.
Coa finalización das obras –que supuxeron un investimento de máis de 2,2 millóns de euros- “presentamos unha execución que cumpre os prazos e os presupostos e unha execución impecable dunha obra que consistía en facer cousas que se ven e outras cousas que non se ven como é o dragado e todo o interior desta anchura do dique que permite case duplicar a capacidade de atraque deste porto comercial”.
O porto de Ribadeo acadou o ano pasado un tráfico de 500.000 toneladas das cales 450.000 foron de pasta de papel e o resto doutras mercadorías como son a madeira en bruto, magnesita, taboleiros, areas naturais e abonos. O xefe do Goberno galego incidiu na importancia desta ampliación para afondar na relación coa empresa Ence e evidenciou a necesidade que existía para “chegar a un acordo con esta empresa usuaria do porto e establecer un mecanismo de coordinación”. Nesta liña, recalcou que hoxe en día “Ence ten unha capacidade de instalación, movemento de mercadorías e atraque duplicada”.
O presidente aproveitou a ocasión para insistir na importancia da internacionalización da economía aseverando que “somos conscientes de que estamos facendo un bo servizo para aqueles que están instalados en Galicia, pero quero facer un chamamento para aqueles que poidan ter interese en investir en Galicia”. “Imos ser aliados de todos os inversores na Comunidade Autónoma, é o momento de facer infraestruturas que movan a economía, que melloren a competitividade e que xeren postos de traballo”, cominou.
No seu discurso, o responsable da Xunta situou “o obxectivo de toda administración pública” no mantemento de “servizos públicos esenciais, así como establecer e estimular políticas de crecemento económico”. Feijóo advertiu que “nos momentos de extraordinaria dificultade que estamos a vivir temos que priorizar”. “Gobernar e sempre priorizar”, matizou.
Na presentación da ampliación do porto, o presidente asegurou que “hoxe entregamos unha infraestrutura que é unha priorización das políticas portuarias da xunta de Galicia” xa que “Ribadeo é sen dúbida un porto comercial importante dentro do sistema portuario galego”. O mandatario galego anunciou que “nos próximos días porase outro porto a disposición do sistema portuario galego que é o porto de Brens no Concello de Cee, na Costa da Morte”. Feijóo valorou ambos os dous portos, como “dúas infraestruturas fundamentais para o tráfico de mercadorías, para a actividade económica e para a actividade social, tanto da Costa da Morte como da Mariña lucense”.
Autovía do Cantábrico
O presidente da Xunta lembrou na súa comparecencia que “a Autovía do Cantábrico e a autovía máis importante que tivo Galicia nunca, máis importante que as autovías coa meseta, máis importante que a autovía entre A Coruña e Madrid e máis importante que a autovía entre Vigo e Madrid”. “Esta autovía sitúanos preto das importantes cidades do norte de España e é o eixo vertebrador de boa parte de Galicia con Asturias, con Cantabria, con Euskadi e co sur de Francia”. Feijóo salientou que “se esta autovía estivera feita desde fai tempo toda esta zona da cornisa cantábrica tería un incremento do seu PIB, un incremento do seu turismo, un incremento das mercadorías e un incremento das relacións comerciais económicas e industriais de todo o norte de España”.
O presidente expresou o seu desexo para que o impulso definitivo a esta autovía “se poida ver concretado e completado para que Galicia poida competir en termos de igualdade con outras comunidades que teñen os seus eixos vertebradores finalizados desde fai lustros”.
Importancia do tráfico marítimo
Na conclusión do seu relatorio, o titular da Xunta fixo fincapé na importancia do tráfico marítimo e recordou a relevancia da situación actual, “a poucos meses da apertura do gran Canal de Panamá que, en consecuencia, fará que se incrementen as posibilidades de comunicación entre Europa, América e Asia e que o tráfico aeroportuario poida ter un incremento na mercadoría e nos seus volumes”. “O mar é sen dúbida, a gran infraestrutura que temos que utilizar, unha infraestrutura que non temos que mellorar e que pode levar, a través da enxeñería naval dos estaleiros de Galicia e de Asturias, calquera tipo de mercadoría”, abondou.
Por último, Feijóo destacou a importancia da iniciativa da Liña de Turismo Verde que comporta unha liña ferroviaria para Galicia e Asturias e valorou sector turístico como “a industria máis limpa que existe e que supón 100.000 empregos na Comunidade Autónoma e representa o 11% do PIB de Galicia”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
