UNHA SOCIEDADE DO ESQUECEMENTO
Ao chegar as lexións de Decimo Xuño Bruto, á marxe esquerda do río Limia no ano 137 a.d.C., no seu empeño en conquistar a “Gallaecia” e probablemente ao ver a beleza das súas paisaxes, deberon pensar que se atopaban ante o lendario río Lethes. Segundo a lenda nel bebían os mortos e perdían a memoria os mortais que o atravesasen. Para romper nas súas tropas o temor pola lenda, atravesou o río e desde o outro lado foi chamando polos seus nomes os seus soldados, conseguindo con iso que cruzasen o río e poder seguir coas súas conquistas. Por todos estes feitos a Décimo Xuño Bruto púxoselle o sobrenome de “Galaicus” e ao río Limia coñéceselle desde entón como o río do esquecemento.
Mariano Rajoy puxo no seu día como exemplo de brillante xestión os executivos rexionais presididos por Francisco Camps, en Valencia, e Esperanza Aguirre, en Madrid. É máis, asegurou que era a xestión que quería “aplicar para o Goberno de España”. Agora, o primeiro pediu, aínda que con outras palabras, o rescate a Montoro, e o segundo “esqueceu” unhas facturillas que obrigaron a reformular o déficit das autonomías. O certo é que Mariano Rajoy conseguiu o que se propuxo: nin nos peores prognósticos se contemplaba que en sete meses un goberno fose capaz de afundir a economía e desmantelar a vida pública-política eliminando dereitos cidadáns como o fixo o PP.
Con todo, na economía, a pouco que Soraya Sáenz de Santamaría sexa consecuente coas súas palabras, cabe a esperanza. Fai menos dun ano afirmaba sen pestañear que “a debilidade do Goberno computa na prima de risco, o esgotamento do seu proxecto, tamén”. Foi no mesmo momento en que dixo que Zapatero era “a prima de risco do noso país”, que andaba entón por 470.
Para o que non parece haber remedio próximo é para esta guerra contra a democracia que emprendeu o PP desde que entrou na Moncloa. E é que goberna a golpe de decreto contra todo dereito que lle representa un obstáculo, o mesmo dá a dependencia que a sanidade, a educación que a liberdade de asociación, manifestación e os dereitos laborais… Non estrañaría que o próximo real decreto fóra contra as hemerotecas, para que non podamos recordar xamais o que tivemos nin o que dixeron. Ao tempo.
Otero Regal
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
