O BNG DE FOZ SACOU ADIANTE NO PLENO MOCIÓNS EN DEFENSA DO EMPREGO, DO ENSINO PÚBLICO E DA INDUSTRIALIZACIÓN DA MARIÑA
“O PP non pode seguir marxinando a Foz coa construción da Residencia”
“A taxa da depuración aprobada coa abstención do PSOE é inxusta porque en Foz non se depura”
Foz a 29 de xuño de 2012. – O BNG presentou no pleno do mes de xullo catro mocións que saíron aprobadas todas: en contra dos recortes en educación, a favor da industrialización da Mariña, pola construción inmediata da Residencia e do Centro de Día e en contra das medidas últimas do goberno estatal como a suba do IVE, a redución das prestacións de desemprego ou a eliminación da paga extra dos empregados públicos.
En contra da supresión de unidades e dos recortes no ensino público
Para o BNG a decisión do goberno do PP na Xunta de Galiza de continuar a suprimir unidades escolares nos centros públicos de ensino e agrupar a menores de Infantil de 3 e 6 anos con rapaces e rapazas de Primaria de 12 anos resulta moi nociva para a educación pública e mortal no medio rural da Mariña, ao quedar desprovistos de aulas, ter que desprazarse ás vilas limítrofes e contribuír ao seu despoboamento. Por iso, na moción que foi aprobada polo Pleno da Corporación solicitamos que a Xunta modifique a súa política educativa garantindo unha educación pública de calidade, dotando aos centros de ensino público do profesorado necesario para unha educación pública en condicións, e con especial atención a unha discriminación positiva nos concellos do rural.
A favor da industrialización da Mariña
O BNG ve con preocupación a situación que se está a vivir na Mariña dende hai varios anos, onde o drama do paro e as súas consecuencias asolan a nosa comarca, sobre todo desde que Feijoo entrou a gobernar. Dende xuño de 2009 ata o 1 de xuño de 2012 o desemprego incrementouse o 52% na comarca da Mariña, mentres nese mesmo tempo medraba un 38% no conxunto de Galiza e un 32% no Estado. Estamos asistindo polo tanto ao desmantelamento industrial e comercial en toda regra dunha comarca que tiña un tecido produtivo importante e que era unha das economías máis dinámicas de Galiza. Na Mariña estanse a producir expedientes de regulación de emprego a diario que supoñen despedimentos definitivos na maioría dos casos e temporais noutros.
Por iso na moción do BNG solicítase que se poñan en marcha medidas como un Plano de Industrialización para a Comarca da Mariña, a implantación dunha tarifa eléctrica que garanta os postos de traballo en Alcoa e nas empresas auxiliares, axudas ás pequenas e medianas empresas ou a ampliación do Hospital da Costa e o incremento de servizos sanitarios.
O Pleno reclama de novo a Residencia e o Centro de Día prometido
Saíu novamente aprobada unha moción do BNG a favor da construción inmediata da Residencia de Terceira Idade e do Centro de Día e de que a Xunta a inclúa nos orzamentos do 2013. O PP non pode seguir marxinando a Foz desta maneira pois mentres durante este catro anos inaugurou residencias e centros de día en localidades da Mariña con menos poboación e menos identidade que Foz no noso concello non sabemos nada de nada destas obras. “É vergonzoso que o PP xogue desta maneira cos nosos maiores e cun servizo público tan necesario para Foz mentres dedica 1,5 millóns de euros para rematar un asilo ilegal en Chandrexa de Queixa –de 600 habitantes-. Por non mencionar o 1,6 millóns de euros que gastará en festas gastronómicas”, declarou Basanta, o portavoz municipal.
O BNG votou a favor da suba do IPC nas taxas da Escola de Música e en contra da taxa de depuración.
O BNG opúxose á intención do PP de subir as taxas da Escola Municipal de Música nun 50% o que suporía pasar de 67 € a 100 € para menores de 16 anos e de 91 € a 135 € para maiores desa idade. A proposta do BNG foi a de actualizalas coa suba do IPC que non se subiu desde 2008, é dicir, aplicarlles un 9,3 %. Tamén propuxo o BNG bonificacións do 100% para nenos e nenas membros dunha unidade familiar con poucos ingresos e do 50% para os que ingresen menos do 150% do Salario Mínimo Interprofesional. Ao final saíu consensuada a proposta entre todos os grupos, admitindo as emendas do BNG.
O BNG tamén votou en contra da aprobación definitiva da taxa da depuración aprobada coa abstención do PSOE (que foi quen lle dea a concesión é empresa privada que o xestiona) porque en definitiva non existe ningún estudo que deixe claro o custe real do servizo nin podemos imputarlle aos veciños e veciñas unha taxa por un servizo que non funciona ou funciona deficientemente pois está comprobado que se verte directamente á Ría e ao mar.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
