Estúa lamenta que o Sr. Balseiro prefira enlamar a vida política a apoiar iniciativas que demandan futuro para a comarca mariñá.
O nacionalista mostrouse sorprendido de que o goberno municipal non apoiara no pleno de onte unha iniciativa encamiñada a impulsar o tecido económico e industrial da comarca así como a esixencia de compromisos claros en política social, sanitaria e educativa.
Cervo, 27 de xullo de 2012. O BNG criticou a actitude do portavoz do Grupo Municipal do PP no concello de Cervo que rescata a difamación e as campañas enlamadas deste partido cada vez que se acercan uns comicios electorais. O Sr. Balseiro pásase de freada cada vez que abre a boca e non asume a responsabilidade do seu partido no incremento do 52% do desemprego na comarca ou na emigración de mais de 2.000 mozos e mozas da Mariña dende a chegada do Partido Popular ao goberno da Xunta. Estúa acusou ao PP de mentir e difamar por sistema ao tentar atribuír o pago dunha campaña do BNG na que se denuncia o roubo ao pobo para salvar a banca con fondos públicos, cando as probas demostran que foi o BNG quen pagou esta campaña nos medios de comunicación, moito mais cando que fai estas acusación ten por norma e costume usar as arcas públicas de Cervo ao servizo do propio Balseiro e o PP de Cervo.
O PP de Cervo non asume a súa responsabilidade no desmantelamento social e económico da comarca e négase a apoiar iniciativas que impulsen o futuro da Mariña
O PP de Cervo co seu portavoz municipal á fronte, négase a recoñecer a responsabilidade do PP no desmantelamento dos servizos públicos sanitarios, sociais ou educativos e no tecido económico da comarca a pesar da evidencia de que dende a chegada do PP á Xunta no 2009, o incremento do desemprego na Mariña supera o 52% e mais d 2.000 mozos e mozas da nosa comarca tiveron que emigrar na busca dun emprego no mesmo período. O Sr. Balseiro e o seu grupo tampouco quixeron apoiar a iniciativa do BNG na que se demanda futuro para a comarca mediante a petición ás administracións central e galega de garantías para o mantemento dos postos de traballo en Alcoa e auxiliares, un Plano Estratéxico para o Hospital da Costa e a súa ampliación, un plano de reindustrialización para a comarca e apoio a iniciativas dos emprendedores que reverta a escalada do paro, e un compromiso claro da Xunta de Galiza cos servizos públicos en materia de ensino e servizos sociais que se prestan na Mariña que evite o recorte no número de prazas nos centros de ensino, de maiores e escolas infantís. Ao contrario do que xa sucedeu noutros plenos da comarca onde o PP apoiou esta iniciativa, en Cervo o PP non comparte a demanda de futuro para a comarca e prefiren dedicarse a enlamar o terreo político con falsas acusacións lanzadas precisamente de quen debería calar mais que naide.
Co PP de Cervo sobran exemplos do uso das arcas públicas municipais ao servizo do partido e os seus dirixentes.
Os nacionalistas pedíronlle ao Sr. Balseiro a retirada da moción onde baixo falsas acusacións e mentiras téntase responsabilizar ao goberno da Deputación do pago de facturas que documentalmente está probado que pagou o BNG, segundo afirmou o portavoz municipal, Xoán Antón Estúa, “si ao PP lle molesta que o BNG diga a verdade dos rescates á banca a conta do pobo que o diga con claridade pero que non trate de enlamar a vida política con falsas acusacións que non se sosteñen”, segundo Estúa en Cervo “estamos fartos de ver como o Sr. Balseiro e o PP fan uso das arcas e medios municipais ao servizo do partido, sobran os exemplos, e si o PP quere entrar nesa dinámica podemos empezar a dalos”
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
