OS SOCIALISTAS PIDEN NO PLENO QUE O CONCELLO SOLICITE A RETIRADA DA REFORMA LABORAL Ó GOBERNO CENTRAL VISTOS OS SEUS NEFASTOS RESULTADOS
-Dende o PSOE de Cervo subliñan que “necesitamos unha reforma laboral consensuada cos diferentes axentes sociais que se dirixa a crear emprego e a activar a nosa economía”
-Destacaron durante o pleno o papel das mulleres, “son das máis perxudicadas polas medidas do goberno do PP, os seus continuos ataques á Lei de Dependencia e a modificación da Lei do Aborto”
CERVO, 27 DE XULLO. Os membros do Grupo Municipal Socialista solicitaron, no pleno celebrado onte, que o Concello de Cervo esixa a retirada da reforma laboral ó Goberno Central, “é evidente que as medidas tomadas polo equipo de Mariano Rajoy non están dando os resultados que hai pouco máis de sete meses nos prometían”.
A petición do PSOE céntrase na idea de que “necesitamos unha reforma laboral consensuada cos distintos axentes sociais que sexa práctica e útil e que se dirixa única e exclusivamente a crear emprego e incentivar a activación da economía do país, non a todo o contrario como está a suceder. As novas condicións laborais, o abaratamento do despido e o reforzo ó poder dos empresarios, non tivo outro resultado que o aumento de EREs, independentemente da situación económica das empresas, un maior número de parados e un, cada vez máis difícil, acceso ó mercado laboral. Os índices de desemprego, dende xuño de 2009, aumentaron na Mariña ata un 52%. Esta liña non pode seguir o seu ascenso”.
As consecuencias demoledoras da aplicación desta reforma están afectando a toda a poboación, e máis ás clases máis desfavorecidas. Os socialistas de Cervo destacaron o papel das mulleres durante o pleno, xa que cren que “son das máis perxudicadas polas medidas do actual goberno do PP”.
Subliñan que “os continuos ataques á Lei de Dependencia suporán unha forte diminución de servizos, que terán que asumir moitas mulleres, pois seguen sendo, mal que nos pese, as principais responsables de conciliar a vida persoal coa laboral. A falta deste tipo de axudas, fará que moitas delas se vexan obrigadas a abandonar incluso o seu posto de traballo. Por outra banda, a modificación da Lei do Aborto, diminuirá a súa propia capacidade de decisión e se deixamos que continúen por este camiño, perderemos moitos dos dereitos logrados”.
A única finalidade dos socialistas é “instar dende o Concello ó Goberno Central a dar marcha atrás a esta reforma laboral, que se teña en conta un consenso cos axentes sociais e que non se destrúan as conquistas adquiridas en materia de igualdade”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
