A Deputación, 1ª institución en responder á petición do comité de Alcoa San Cibrao para evitar o peche da fábrica
– O Presidente anuncia que o Goberno provincial, atendendo á demanda dos traballadores, reclamará no Pleno de setembro unha tarifa eléctrica competitiva
– Besteiro asegura que o Executivo central “ten o respaldo total de todas as forzas políticas, dos traballadores, de toda a provincia, para seguir garantindo o pulmón económico de Lugo”, pero ten que “tomar unha decisión pronto, non pode deixala para outono”
– Cre que sería “incomprensible” levar de San Cibrao a produción por un problema eléctrico tarifario, cando Galicia “é excedentaria en produción eléctrica”
– Subliña a necesidade de definir un modelo produtivo para o futuro: “Hai que empezar a contestarlles ós cidadáns de que vamos a vivir no futuro: do sector primario, o industrial, vamos seguir sendo un país soamente de servizos…”
O Presidente da Deputación de Lugo, José Ramón Gómez Besteiro, anunciou este venres que o Goberno provincial levará ó Pleno de setembro unha proposta reclamando a implantación dunha tarifa eléctrica competitiva que evite o peche da factoría da multinacional Alcoa en San Cibrao. Deste xeito, o organismo lugués convértese na primeira institución en responder á petición formal que realizou o comité de empresa da planta cervense de Alcoa a tódolos Concellos da provincia e á propia Deputación para que aprobasen nos seus plenos con carácter urxente unha proposta sobre o establecemento dunha tarifa enerxética competitiva que permita a continuidade da fábrica cervense.
Gómez Besteiro, preocupado porque non se cumprira aínda o compromiso do Ministro de Industria e o Goberno de Feijóo de aprobar unha reforma enerxética, confía en calquera caso en que a decisión do Goberno “chegue e chegue pronto. Non é conveniente deixala para o final, ningún gobernante responsable vai deixar isto para o final”. De feito, o mandatario provincial explicou que, de resolverse antes de setembro o problema, a proposta do Executivo provincial será retirada.
O Presidente asegurou neste senso que o Goberno central “ten o respaldo total de todas as forzas políticas, dos traballadores, de toda a provincia, para seguir garantindo o pulmón económico de Lugo”, pero ten que “tomar unha decisión rápido, non pode deixala para outono” porque Alcoa é unha multinacional “que toma as súas decisión co mapa mundial das súas empresas diante, e nese mapa San Cibrao é importante, pero non vital. Polo tanto, á hora de analizar custes, hai que entender que noutros lugares, como Abu Dhabi, Noruega, Islandia, Brasil, Australia… teñen outro tipo de vantaxes. Os argumentos que ten que poñer encima da mesa España é unha tarifa eléctrica que siga facendo competitiva a factoría de Alcoa en San Cibrao para evitar a súa deslocalización”.
Modelo produtivo de futuro
Besteiro destacou así mesmo a importancia de definir un modelo produtivo para o futuro, pois ó igual que a Deputación enfoca as súas políticas a potenciar o sector primario e o medio ambiente, dado recursos da provincia nestes ámbitos, tamén é preciso que no conxunto do país se aposte pola reindustrialización, da que son son competentes o Goberno central e da Xunta: “Hai que empezar a contestarlles ós cidadáns deste país de que vamos vivir no futuro: do sector primario, o industrial, vamos seguir sendo un país soamente de servizos…”
O mandatario provincial cre tamén que sería “incomprensible para a cidadanía que non soubésemos resolver este problema e que perdésemos o potencial industrial de Alcoa, da que viven máis de 2.000 familias e que supón o 35% do PIB da provincia, por unha cuestión coma esta, tendo en conta que Galicia é excedentaria en produción eléctrica, producimos máis do que consumimos, e exportamos ó resto de España e a Portugal”. Deste xeito, segundo datos do Informe de Rede Eléctrica de España, Galicia xerou o ano pasado 26.621 gigavatios hora, exportando a súa cuarta parte a outras zonas de España e Portugal. Galicia é na actualidade a quinta comunidade en España que máis luz aporta ó conxunto do país.
“Non contar cunha tarifa eléctrica competitiva, que o Goberno de Zapatero garantiu durante anos, supoñería abocar á Alcoa ó peche”, afirmou o Presidente, instando a evitar a deslocalización da multinacional, “que xa se produciu noutros países, como por exemplo Italia, e tamén árabes. Se isto ocorrese aquí, lamentarémonos de non ter feito un esforzo importante por evitalo”.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
