O BNG SAE Á RÚA CONTRA A SUPRESIÓN DAS LIÑAS FEVE NA MARIÑA
Esta mañá no mercado de Burela o BNG repartiu material informativo chamando á poboación a manifestarse o vindeiro domingo fronte á supresión de liñas FEVE
O BNG presentou unha iniciativa no Parlamento Galego nesta liña, demandando do goberno do Estado o mantemento íntegro dos servizos que FEVE presta en Galiza
A Mariña, 3 de agosto de 2012. Esta mañá, o BNG saíu á rúa e repartiu material informativo no mercado de Burela para facer un chamamento á poboación da comarca a manifestarse o vindeiro domingo, ás 11:30 da mañá na estación de tren de Burela, fronte á supresión das liñas que FEVE ten previsto acometer e que afectan especialmente á comarca da Mariña.
Tal e como afirmou o deputado do BNG no Parlamento Galego, Manuel Parga, “o BNG non vai permitir que mentres noutras zonas do Estado se potencie este transporte, en comarcas coma a nosa pechen liñas que afectan á mobilidade das nosas persoas. Por iso presentamos a iniciativa ao Parlamento Galego e por iso facemos un chamamento á poboación a manifestarse na defensa do noso tren o vindeiro domingo, para que se manteñan os servizos que actualmente FEVE presta na Mariña e incluso se estude aumentar as frecuencias”.
Para o BNG, a pretensión da empresa pública FEVE baséase nunha pretendida rendibilidade económica e polas avarías e falta de fiabilidade do material. No primeiro caso, esquécese a necesaria rendibilidade social do transporte público e a súa función de cohesión nun país como Galiza e unha comarca coma a Mariña, cunha alta dispersión da poboación e onde algúns dos traxectos que se queren suprimir nin sequera teñen alternativa doutros transportes públicos. A segunda escusa é responsabilidade absoluta dos xestores da empresa, nunca os traballadores e traballadoras nin a poboación poden padecer as culpas dunha mala política empresarial na compra do material e a maquinaria precisa para desenvolver o servizo con normalidade.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
