REGRESA A VISIÓN GOLEADORA DE DANI MARTÍN
O Burela FS Pescados Rubén recuperará a visión goleadora de Dani Martín, despois dunha breve estancia no Azkar Lugo, para a súa posta de gala na elite. O directivo da entidade laranxa Antonio Couto acompañou o ala-pivote salmantino, de 23 anos, na súa presentación oficial, esta semana na sede do club.
Esta será a terceira etapa para Daniel Martín Martín defendendo as cores do Burela FS. Procedente do Carnicer Torrejón, de Honra, en 2009-10 conseguiu a estatuíña de pichichi laranxa, con 28 tantos na liga e 5 en play off. A tempada pasada o salmantino disputou a primeira parte da competición na Mariña, con 18 dianas, antes de volver a Primeira incorporándose en xaneiro á entidade transportista. Internacional sub-21 coa selección española, Dani Martín medrou no Salamanca FS e antes de recalar na bisbarra militou dúas tempadas no Tecuni Bilbo.
“Volvo parar seguir progresando e achegar o meu gran de area. Axudarei en todo o que poida para conseguir que o equipo se consolide na categoría. É un novo comezo”, así expresou, con ilusión, Dani Martín. “A liga de Primeira é máis dura, pero iso non debe limitarnos. O noso primeiro obxectivo será a permanencia e para iso debemos traballar día a día e cos pés no chan. A pesar da nosa inexperiencia na categoría, teremos equipo para ir a todas as pistas coa cabeza alta” asegurou o xogador, que tamén quixo ter unhas palabras para a “grande afección” laranxa pola que se sente moi apreciado. “Sempre dixen que a bancada de Burela é a mellor, tanto en Segunda coma en Primeira. Os afeccionados merecían este ascenso; por fin poderán gozar do espectáculo de Primeira e todos os equipos poderemos gozar do grande ambiente de Vista Alegre”.
Antonio Couto tamén trasladou a ledicia do CD Burela FS polo reencontro con Dani Martín: “É unha aposta firme, sempre o foi; é un xogador moi novo que está preparado para competir na Primeira División e ofrecerá verticalidade ao conxunto”, explicou o directivo.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
