BURELA DESTINA 130.000 EUROS PARA DEPORTES EN 2012. O EQUIPO DE GOBERNO DESTACA A GRATUIDADE DAS ESCOLAS DEPORTIVAS QUE DEPENDEN DO CONCELLO E DIN QUE “CO BIPARTITO, OS PAIS DE DITAS ESCOLAS SUBVENCIONADAS CON FONDOS PÚBLICOS TIÑAN QUE PAGAR”.
Burela, 11 de agosto de 2012. O Concello de Burela destina durante o presente exercizo de 2012 un total de 128.126 euros á área de Deportes, “o que supón un esforzo importante nos momentos económicos que estamos a vivir”. O equipo de goberno do PP fixo esta afirmación logo de coñecer a nota de prensa feita pública polo PSOE burelés.
Para o equipo de goberno, “resulta lamentable que os socialistas se preocupen agora polo deporte, cando durante catro anos nin cortaron nin pincharon, xa que con tal de ter a alcaldía deixaron os deportes nas mans dos seus socios; pedir agora a dimisión da concelleira de Deportes non deixa de ser unha cortina de fume que esconde as propias carencias de traballo que tén o PSOE a nivel municipal”.
Segundo os populares, “dous aspectos son os que hai destacar dentro da política deportiva que está a seguir o Concello: por un lado, a promoción do deporte desde o propio Concello, e por outro o coidado das instalacións da Marosa”.
No que se refire ás escolas deportivas municipais, “o Concello mantén o carácter absolutamente gratuito das mesmas, e o manterá mentres se poida manter. Nas mesmas abárcanse o tenis, o patín lúdico, o bádminton, o tenis de mesa e os xogos tradicionais; este ano incorporáronse como novidades o ballet e a patinaxe artística, que entre as dúas actividades contan con noventa participantes”. Ademais, desde o goberno municipal lembran que este ano colaborouse coa Escola de Baile Goldance, coa Escola de Ximnasia Rítmica e co Clube de Tenis de Mesa, clube de tenis que nace dun curso apoiado polo concello. Os populares entenden que “esto é apoiar o deporte de base”.
Segundo o equipo do goberno, “durante o bipartito, as escolas deportivas municipais, que tanto traballo costara poñelas en marcha na etapa anterior de goberno do PP, foron desmontadas aos poucos meses, pero de forma e maneira que os pais tiveron que pagar por escolas deportivas que estaban subvencionadas polo Concello, e queremos lembrar que nos convenios quedaba claro que éstas terían carácter gratuito; polo tanto, quenes consentiron tal cousa non poden dar leccións de nada”.
O goberno municipal burelés tamén aludiu ás instalacións da Marosa e afirma que “cando chegamos ao Concello hai catorce meses, o caos era total e as deficiencias moitas. Desde hai doce meses, hai un operario municipal todos os días no recinto da Marosa para levar a cabo o mantemento e conservación de todas as instalacións, incluidas o campo artificial, o que tén significado unnha importante mellora en ditas instalacións”.
Finalmente, os populares aseguran que “os clubes son conscientes da situación económica que se está a vivir, pero tamén saben que o Concello, na medida das súas posibilidades, colabora e axuda para que se poida seguir fomentando o deporte de base. O que non faremos nunca será asinar convenios que non tiñan consignación presupostaria e que polo tanto tardaban en pagarse máis dun ano, de forma que o derradeiro que asinaron tivo logo que pagalo o actual equipo de goberno”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
