O pasado 20 de Xullo do 2012 o PSdeG PSOE foi convocado a Comisión Informativa de Contratación Administrativa e Persoal de conformidade co establecido na lei. Nesta sesión o Alcalde informa aos concelleiros do PSOE e do BNG das contratacións que fixo dende o 25 de Maio ata o 20 de Xullo. Explica que aproveitando a subvención dos Programas de Cooperación contrata 12 GRUMIRES e 10 socorristas polo sistema de listas nominativas.
Dende o PSdeG PSOE, Remedios López pregúntalle a que se refire co de “listas nominativas” xa que o deber do concello é dar transparencia e igualdade de oportunidades a todo o mundo. O que se soe facer, é solicitar unha oferta de emprego ao INEM, este soe mandar entre 2 a 10 desempregados por posto ofertado. O concello (representado por un tribunal cualificado e imparcial, no que non pode participar ningún político) aplica unhas bases elaboradas para os postos ofertados. Este tribunal outórgalle aos participantes unha puntuación segundo a súa formación, experiencia laboral e nota do exame teórico e práctico, coa idea de seleccionar aos mais cualificados para desempeñar ese traballo.
O Sr Barcia explica o que é unha lista nominativa: “Solicitouse ao INEM unha lista co nome e apelidos da xente que se quería contratar, co mesmo número de persoas que postos a ocupar”.
Esta actuación parécenos gravísima, e dende o PSdeG PSOE de Burela queremos denunciala. Así non é de estrañar que nesa lista aparezan exconcelleiros do PP e familiares de xente que apoiou ao Sr González Barcia nas listas municipais, evidentemente como pago de favores, que non teñen coñecementos nin formación esixida pola lei que bonificará o seu posto de traballo. Tamén nos parece moi grave que estes afortunados, non cumpran as funcións propias de un GRUMIR (Grupo Municipal de Intervención Rápida) explicadas no DOG Nº50 do 14 de Marzo do 2012, e que se dediquen a cubrir postos como o de técnico da oficina de turismo, secretaria do alcalde…. que non sabemos o que ten de intervención rápida. Ao mellor o que debemos facer é preguntar á Consellería de Traballo e Benestar da legalidade destes postos.
Estas gravísimas actuacións demóstrannos que os gobernos de dereitas non valoran a formación da poboación, nin a profesionalidade dos aspirantes aos postos. O que interesa e que se formen os mais afíns ao partido, que xa haberá alcaldes como o Sr Barcia que utilizan listas nominativas (LISTAS A DEDO) para a contratación de persoal. A dúbida será: Que pasará cando no poidan colocar a todos os afíns?
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
