O PSOE de Burela pide que se suprima a delegación de deportes do concello por inoperancia

A executiva municipal socialista de Burela fai públicas as seguintes manifestacións
en relación coas Escolas Deportivas Municipais e coa labor da Delegación de
Deportes do Concello en xeral.
De todos é coñecido que o anterior goberno municipal de Burela, tan denostado
polo Sr. Barcia, o famoso bipartito adicada nos orzamentos do concello unha
cantidade anual que chegou a superar os 50.000 euros para as Escolas Deportivas
Municipais, que vía convenio aportaba ao distintos clubs de fútbol, fútbol-sala e
baloncesto; pois ben, dende o 2011 o actual goberno municipal a cantidade que
adica a estes convenios é cero euros, co agravante de que en determinadas
ocasións se lles cobra polo uso das instalación municipais. Cal era a labor dos
distintos clubs é algo que valoraban os pais dos alumnos/as asistentes ás escolas,
queremos tamén salientar que a formación en valores dos nenos/as en canto a
capacidade de esforzo, do gusto pola actividade física, do traballo en equipo,… son
moi importantes na súa formación como deportistas e como persoas.
Somos conscientes que nas actuais circunstancias, as administracións deben facer
recortes para axustar os seus orzamentos aos ingresos reais, pensamos neste
senso que as cantidades podían ser modificadas, pero entendemos que adicar cero
euros ao deporte de base é a filosofía do equipo de goberno que son capaces de
adicar 100.000 euros aos seus soldos anuais e cero ao deporte de base. No fondo
esta é a súa escala de valores na que está claro que os nenos/as e xoves do
concello non son a súa prioridade.
Por último, queremos pedirlle ao concello, que suprima a Delegación de Deportes, é
inexplicable que teñan unha delegación que non fai nada nin ten ningunha utilidade
para os bureleses. Permitímonos indicarlle ao concello onde pode recortar sen que
os bureleses sufran as consecuencias.