O pasado sábado 22 de setembro tivo lugar en Viveiro a primeira xuntanza na Mariña das distintas forzas que concorren en coalición as próximas Eleccións Autonómicas por Alternativa Galega de Esquerda (AGE),coalición integrada por ANOVA, Esquerda Unida (EU), EQUO e Espazo Ecosocialista; asi como , outros colectivos independentes e movementos sociais.
Nesta primeira toma de contacto as mencionadas principais formacións trataron as liñas mestras de cara a afrontar a campaña electoral dentro do eido comarcal.
Informase asimesmo da vontade de crear en breve “ Comisións de Apoio á Alternativa Galega de Esquerda” nas diferentes localidades da Mariña, neste sentido o vindeiro mércores día 29 as 20 horas terá lugar a primeira das xuntanzas na cafetería “ Costa Verde” da praza de España de Ribadeo.
Un dos puntos fortes desta primeira toma de contacto, foi o intenso debate sobre a situación na que se atopa na actualidade a factoría de Alcoa e a problemática da súa tarifa eléctrica, asunto que mantén en tensión a sociedade mariñense polo forte impacto que suporía a destrución de emprego nesta comarca de ter lugar o peche deste complexo.
AGE contempla con preocupación esta situación,preocupación que agrava a falta de transparencia e o ocultismo con que se estan a levar a cabo as negociacións por parte dos distintos axentes implicados; AGE, sumase así mesmo a todolos colectivos que dende a mariña loitan pola defensa dos postos de traballo nesta comarca,e comprometese a seguir traballando co obxecto de presentar á sociedade desta bisbarra alternativas que contemplen, tamén, a posibilidade de un escenario post-alcoa na Mariña
ÚLTIMA HORA
- USO xustifica o seu voto pola ausencia de criterios homoxéneos na RPT de Ortigueira
- O San Xoán das Corporacións, en Foz, celebrarase o 23 de xuño con pregón, música e fogueira tradicional
- A Feira da Ciencia de Ribadeo enche o Paraninfo para escoitar a neurocientífica Sonia Villapol
- O vindeiro venres 19 de xuño, ás 20:30 horas, a Casa da Cultura de Foz acollerá un acto público organizado por A Pomba do Arco no que se analizará a situación actual no Oriente Medio
- O vindeiro venres 19 de xuño, ás 20:30 horas, a Casa da Cultura de Foz acollerá un acto público organizado por A Pomba do Arco no que se analizará a situación actual no Oriente Medio
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión. - Ribadeo acollerá este domingo a terceira regata da Copa Deputacion de Piraguismo
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil. - A Festa de San Xoán regresará a San Cibrao o 23 de xuño cunha programación que combinará música, gastronomía e tradición
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno. - A Garda Civil investiga unha fraude que suplanta a imaxe de Sargadelos en internet
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo. - Un grupo de alumnas e alumnos do IES de Ribadeo Dionisio Gamallo visitou esta semana o Parlamento Europeo en Bruxelas
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo. - A familia da Asociación Saúde Mental A Mariña deu a benvida á tempada estival cun fermoso concerto protagonizado polos nenos e nenas do Conservatorio de Viveiro, celebrado na Illa da Residencia Resort, na Praza do Souto de Cervo
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza. - Vilalba acolle ao longo de todo o mes de xuño a XV Bienal de Pintura do Eixo Atlántico, unha exposición itinerante que percorrerá 11 municipios de Galicia e do norte de Portugal e que permanecerá na capital chairega ata o 30 de xuño
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
2021 Crónica 3 A Mariña - Implementado por GaliciaDigital