Cervo rememorará o Un, dous tres…responda outra vez con motivo do Día das Persoas de Idade
-Tres parellas participarán no concurso que se representará no Auditorio da Casa da Cultura este domingo
-Presentadoras, azafatas, actuacións cómicas e musicais e ambientación escénica uniranse para lembrar, co máximo realismo, o clásico programa
Cervo, 25 de setembro de 2012-O Concello de Cervo prepara un acto especial para conmemorar o Día Internacional das Persoas de Idade que se celebra o 1 de outubro. En concreto, o departamento de Servizos Sociais ten previsto revivir o clásico concurso de televisión Un, dous, tres…responda outra vez. Nesta ocasión, a Concellería realizará unha adaptación do programa, coa ambientación e as personaxes típicas e engadindo certas peculiaridades, como preguntas de temática nostálxica e referente a décadas pasadas. A cita será o domingo, día 30 a partir das 18:00 horas no Auditorio da Casa da Cultura.
Deste xeito, o Auditorio converterase nun plató de televisión con ambientación escénica, iluminación, son, cámaras e demais equipos, que permitirán imprimirlle o máximo realismo posible á posta en escena, e polo que pasarán presentadoras, azafatas, actuacións cómicas e musicais e, por suposto, os concursantes. Haberá tres parellas que participarán respondendo ás preguntas e que optarán a premios cedidos por empresas e comercios de Cervo. Ademais, non faltarán as sorpresas, que se irán descubrindo ao longo do desenvolvemento do concurso.
Este concurso é un acto aberto ao que están convidadas a asistir como público todas as persoas que desexen divertirse rememorando o mítico programa creado nos anos 70 por Narciso Ibáñez Serrador. O obxectivo final desta actividade é “facer un recoñecemento a todas as persoas maiores, aproveitando o seu día, a través dun acto divertido e orixinal como é lembrar o concurso que marcou a varias xeracións e que ben seguro permanece na memoria colectiva de moitas persoas, que se reunían ao redor do televisor para velo” explica a edil de Servizos Sociais, Pilar Armada.
Ademais, neste acto, a Concellería de Servizos Sociais iniciará unha campaña de captación de fondos para a adquisición de medicinas para os nenos dos campamentos de refuxiados saharauís. Unha campaña que se levará a cabo nos distintos eventos que organice a administración local cervense.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
