OS SOCIALISTAS PROPOÑEN Ó ALCALDE DE CERVO QUE OS FUNCIONARIOS DO CONCELLO RECIBAN EN XANEIRO UNHA DAS PAGAS EXTRAS DO 2013
-Pretenden que “esta medida permita amortiguar o efecto negativo que vai crear a supresión da paga extra de Nadal ás familias e ó comercio local”
-No pleno celebrado onte, o GMS votou a favor do acordo de solicitar ó Goberno Central e á Xunta de Galicia as xestións oportunas para manter a viabilidade de Alcoa e os seus postos de traballo
CERVO, 26 DE SETEMBRO. O Grupo Municipal Socialista presentou onte unha proposta ó pleno do Concello de Cervo ofrecendo unha alternativa á supresión da paga extra de decembro que van sofrir os funcionarios públicos, “co único fin de amortiguar o efecto negativo que suporá esta medida ás familias e ó comercio local”.
Mentres que coa proposta do Goberno, os funcionarios verán suprimida a paga extra de decembro de 2012 en cumprimento coa normativa estatal, os socialistas propoñen a idea de que “no 2013, en lugar de cobrar as pagas extraordinarias en xuño e decembro, poderían cobralas a principios de xaneiro e no mes de xullo”.
Dende o GMS argumentan un dobre obxectivo desta medida, “por unha banda, conseguiríamos minimizar os efectos dos recortes ós traballadores públicos, respetando o marco legal establecido polo Goberno Central a través da Ley 20/2012 e permitindo o aforro para este ano; e por outra, reducir o impacto económico no persoal municipal que cobraría a paga extraordinaria a principios de xaneiro de 2013 en lugar de percibila en novembro de 2012, con cargo ó presuposto do vindeiro ano”.
Os socialistas cren que “non existe argumento económico e legal que impida que saia adiante esta proposta e esperamos que o alcalde a teña en conta, a pesares de que no pleno foi rexeitada de forma rotunda polo equipo de goberno”.
Apoio ós traballadores de Alcoa
Nesta última sesión do pleno de Cervo, os socialistas votaron a favor do acordo de solicitar ó Goberno Central e á Xunta de Galicia tódalas xestións necesarias para manter a viabilidade de Alcoa-San Ciprián e así garantir tódolos postos de traballo existentes na actualidade.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
