Espazo Ecosocialista presenta un informe con propostas lexislativas en novas tecnoloxías
Ecosocialistas considera necesaria superar a ‘fenda dixital’ para avanzar na democratización nas redes e na igualdade de oportunidades
En Galicia a 28 de setembro de 2.012
Os vindeiros 18 e 19 de outubro terá lugar en Compostela a “Libre Software World Conference 2012”1 o maior evento que se desenvolverá no estado, con ampla repercusión e participación internacional.
A proximidade do evento fainos reflexionar sobre a importancia do emprego das novas tecnoloxías e ao mesmo tempo aportar propostas de futuro.
É indubidábel o impacto transversal que as novas tecnoloxías da información e comunicación teñen na nosa vida cotiá, tanto a nivel individual como colectivo, e no conxunto de tódolos ámbitos de actividade.
A realidade amosa que namentres o seu emprego medra de xeito exponencial nas sociedades ou núcleos máis desenvolvidos, outra parte da sociedade ten dificultades de acceso, o que provoca o coñecido como “fenda dixital” que aumenta na cidadanía as diferenzas sociais, económicas, xeracionais, profesionais, formativas…
Segundo Espazo Ecosocialista compételle á administración pública remover as dificultades, e estas non se limitan á posibilitar o acceso. A responsabilidade de asegurar a formación e capacitación caen tamén no seu ámbito de competencias. O mesmo que a definición e o desenvolvemento de ferramentas para asegurar a protección dos dereitos dixitais da cidadanía.
Sen dúbida, outra das características destas novas tecnoloxías e a posibilidade de acceso ao coñecemento. Sendo a cultura e polo tanto o acceso ao coñecemento un dereito xenuíno e inherente a condición humana, neste novo proceso de ilustración da idade dixital, precísase de lexislación que o fomente, asegure e protexa.
Para os Ecosocialistas as actividades neste sentido da administración pública en xeral e da galega en particular teñen sido erráticas, dubitativas e lentas, propias dunha actividade interesada puntualmente en obxectivos concretos e non na consecución da meta final.
Esta meta non pode ser outra que acadar o emprego de xeito xeral e igualitario das novas tecnoloxías polo conxunto da sociedade, alicerzándose en tres aspectos fundamentais:
Posibilitar o acceso xeral ás ferramentas,
emprego de ferramentas libres,
formación.
Desde a Comisión de Radicalidade Democrática e Liberdades do Espazo Ecosocialista Galego propoñense para a lexislatura que se vai inciar unha serie de propostas co obxectivo de acadar o emprego das novas tecnoloxías baseado nos principios de igualdade, transparencia e participación, e na implantación de ferramentas xustas e éticas no seu emprego.
As propostas forman parte de cinco obxectivos:
1.- Definir, establecer e asegurar a participación do conxunto da sociedade nos diferentes procesos (identificación de problemas, estudo de solucións, definición de obxectivos a curto e medio prazo…) establecendo as canles e ferramentas que foran precisas.
2.- Estudo, definición e implantación dos instrumentos e ferramentas para construír unha política inequívoca da tecnoloxía e coñecemento libre.
3.- Definición de estratexias para o estímulo do modelo produtivo de tecnoloxías libres.
4.- Desenvolvemento do marco normativo que, favoreza o seu impulso e axilice a súa implantación no conxunto da sociedade.
5- Asegurar e incluír as tecnoloxías libres na educación a tódolos seus niveis: primaria, secundaria, profesional, universitaria e formación continua. Fomentando metodoloxías de traballo comunitario e colaborativo que baixo os modelos de “aprender compartindo” promovan a formación dunha cultura reflexiva e responsábel da tecnoloxía.
Documento sobre Novas Tecnoloxías
Comisión de Radicalidade Democrática e Liberdades
Galicia, setembro 2012
Os vindeiros 18 e 19 de outubro terá lugar en Compostela a “Libre Software World Conference 2012”1 o maior evento que se desenvolverá no estado, con ampla repercusión e participación internacional.
A proximidade do evento fainos reflexionar sobre a importancia do emprego das novas tecnoloxías e ao mesmo tempo aportar propostas de futuro.
É indubidábel o impacto transversal que as novas tecnoloxías da información e comunicación teñen na nosa vida cotiá, tanto a nivel individual como colectivo, e no conxunto de tódolos ámbitos de actividade.
A realidade amosa que namentres o seu emprego medra de xeito exponencial nas sociedades ou núcleos máis desenvolvidos, outra parte da sociedade ten dificultades de acceso, o que provoca o coñecido como “fenda dixital” que aumenta na cidadanía as diferenzas sociais, económicas, xeracionais, profesionais, formativas…
Compételle á administración pública remover as dificultades, e estas non se limitan á posibilitar o acceso. A responsabilidade de asegurar a formación e capacitación caen tamén no seu ámbito de competencias. O mesmo que a definición e o desenvolvemento de ferramentas para asegurar a protección dos dereitos dixitais da cidadanía.
Sen dúbida, outra das características destas novas tecnoloxías e a posibilidade de acceso ao coñecemento. Sendo a cultura e polo tanto o acceso ao coñecemento un dereito xenuíno e inherente a condición humana, neste novo proceso de ilustración da idade dixital, precísase de lexislación que o fomente, asegure e protexa.
As actividades neste sentido da administración pública en xeral e da galega en particular teñen sido erráticas, dubitativas e lentas, propias dunha actividade interesada puntualmente en obxectivos concretos e non na consecución da meta final.
Esta meta non pode ser outra que acadar o emprego de xeito xeral e igualitario das novas tecnoloxías polo conxunto da sociedade, alicerzándose en tres aspectos fundamentais:
Posibilitar o acceso xeral ás ferramentas,
emprego de ferramentas libres
formación.
Por isto, dende Espazo Ecosocialista Galego cos obxectivos de acadar o emprego das novas tecnoloxías baseado nos principios de igualdade, transparencia e participación, e na implantación de ferramentas xustas e éticas no seu emprego, fai as seguintes:
Propostas
1.- É necesario definir, establecer e asegurar a participación do conxunto da sociedade nos diferentes procesos (identificación de problemas, estudo de solucións, definición de obxectivos a curto e medio prazo…) establecendo as canles e ferramentas que foran precisas.
2.- Estudo, definición e implantación dos instrumentos e ferramentas para construír unha política inequívoca da tecnoloxía e coñecemento libre.
3.- Definición de estratexias para o estímulo do modelo produtivo de tecnoloxías libres con diferentes obxectivos:
Apoio ás plataformas que garantan unha industria localizada de software e hardware libre, a través da incorporación de empresas. Igualmente ás outras plataformas vinculadas transversalmente cos procesos formativos, de investigación, de produción…
Definir, establecer e por en marcha mecanismos efectivos para incrementar e axilizar o uso no ámbito empresarial. Con especial apoio aos autónomos e pequena e mediana empresa a través de axudas para a formación, instalación, migración, mantemento).
Apoio a pequena e mediana empresa produtoras de software e hardware libre, así como ás vinculadas que completan a actividade (formación, asesoramento, instalación, migración, mantemento…)
4.- Desenvolvemento do marco normativo que, favoreza o seu impulso e axilice a súa implantación no conxunto da sociedade. Esta lexislación, entre outros aspectos, ten que incluír:
O establecemento do pleno aceso ás novas tecnoloxías e ao seu libre emprego como un dereito da cidadanía. Con especial atención na eliminación das dificultades de acceso sexan: xeográficas, sociais, culturais, económicas, físicas (motrices), ou sensoriais (visuais, auditivas…) ou calquera outra.
O establecemento do software libre como o software de utilización na administración pública. Definindo os aspectos técnicos necesarios, os modelos de produción, os mecanismos de construción e difusión e asegurando a promoción e o apoio as iniciativas con estes fins.
Definir os mecanismos polos que a administración pública partillará entre si o seu propio software e o porá a disposición da cidadanía.
O establecemento do emprego en tódolos ámbitos e niveis da administración pública dos formatos de arquivos estándares e abertos, definindo os prazos de implantación e o procedemento sancionador
Establecer as licencias tipo copyleft, co debido respecto aos dereitos persoais, para a documentación resultante dos procesos e traballos da administración pública.
O mesmo tipo de licenza, a estudar e definir para cada caso, aos traballos culturais, científicos, de investigación ou calquera outro resultantes e financiados na súa totalidade ou en parte, con fondos públicos.
5- Asegurar e incluír as tecnoloxías libres na educación a tódolos seus niveis: primaria, secundaria, profesional, universitaria e formación continua. Fomentando metodoloxías de traballo comunitario e colaborativo que baixo os modelos de “aprender compartindo” promovan a formación dunha cultura reflexiva e responsábel da tecnoloxía.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
