O candidato de Compromiso por Galicia dice que “aínda hai políticos con vocación de servizo público”

IVÁN MARRUBE DIXO EN LUGO QUE “AÍNDA EXISTEN POLÍTICOS QUE TEMOS VOCACIÓN DE SERVIZO PÚBLICO, ESTÁ NAS MANS DA XENTE DARNOS ESA RESPONSABILIDADE”.

Lugo, 29 de setembro de 2012. Compromiso por Galicia levou a cabo a súa

presentación na cidade de Lugo. O candidato pola provincia, Iván Marrube, afirmou “eu

sei o que custa gañar cincuenta euros a maioría dos políticos non o saben”. Ao fío disto

engadiu “temos vocación de servizo público, está nas mans da xente darnos esa

responsabilidade”.

Para Marrube “a provincia de Lugo é un exemplo da capacidade

produtiva que ten o país en sectores primarios, como o agrogandeiro e o pesqueiro”. O

candidato explicou que “isto non é un país pobre, é un país empobrecido polas políticas

alleas á realidade que se levaron a cabo”. O lucense quixo facer fincapé na “eiva” que

supón a corrupción política para a democracia “a zona cero da política en Lugo está a ser

nos xulgados no canto de centrarse nos problemas da cidadanía”.

A número dous da lista, Rocío López, comezou a súa intervención afirmando que “eu

non son política, senón unha persoa que decide ter voz, porque aínda creo que a política

é unha ferramenta para mudar a realidade”. López remarcou que “temos que falar de

igual a igual. Mirando aos ollos, tomando as opinións dos demais como propias, como

exemplo desa igualdade. É hora de ceder a palabra e comprometernos coa nosa”.

Pechou a presentación Xoán Bascuas, candidato á presidencia da Xunta por

Compromiso. Bascuas quixo expresar a súa preocupación coa situación que vive Alcoa

“compartimos as reivindicacións dos traballadores non só no que atinxe á continuidade

dos seus postos de traballo senón que as asumimos porque é a garante de continuidade

dunha das empresas máis importantes do país”. Nesta liña engadiu “as administracións

públicas deben implicarse na colaboración dunha entidade que supón un tercio do PIB

da provincia e a principal dinamizadora da economía da Mariña”. Bascuas pechou a súa

intervención cun “queremos comprometernos co agro, coa pesca, coa industria.

Queremos compromiso con Lugo”.