CON EMOCIÓN E AGRADECEMENTO RECIBIRON ESTA MAÑÁ EN RIBADEO AS DISTINCIÓNS DE FILLO PREDILECTO E FILLOS ADOPTIVOS, VÍCTOR MORO, JOHN RUTHERFORD E JOSÉ CALAVERA.
Ribadeo, 31 de agosto de 2012. Emocionados e agradecidos así se amosaron os tres persoeiros que recibiron esta mañá as distincións e os diplomas que os acreditan como fillo predilecto e fillos adoptivos de Ribadeo a Víctor Moro, e a John Rutherford e José Calavera, respectivamente.
O encargado de ler a laudatio sobre José Calavera foi o concelleiro socialista e ex alcalde, Eduardo Gutiérrez. Tras a súa disertación o homenaxeado recibiu a distinción que lle colocou o edil e o diploma acreditativo “polo seu agarimo a Ribadeo e a implicación e adicación altruista amosada na conservación e dignificación do emblemático edificio Torre dos Moreno”.
Na súa intervención tras ser nomeado fillo adoptivo de Ribadeo, José Calavera, presidente honorario de Intemac, lembrou que leva 51 anos pasando os seus veráns en Ribadeo, onde conta cun grupo de amigos entrañables e onde pasou –dixo- moitas horas de descanso e tamén moitas horas de traballo tranquilo e relaxado. Calavera definiu á Torre dos Moreno, construida con formingón armado, coma un edificio único en España, polo que o tildou de valiosísimo. O enxeñeiro subliñou que en Francia hai uns quince inmobles deste tipo e lembrou os 35 informes que realizou ao longo de todo este tempo sobre a devandita torre.
O portavoz do PP e ex concelleiro de Cultura, Manuel Valín, deu lectura a laudatio sobre John Rutherford, profesor e escritor, académico honorario da Real Academia Galega, e doctor Honoris Causa pola Universidade da Coruña, entre outras cousas. John Rutherford recibiu a distinción e o diploma acreditativo “pola súa implicación e compromiso no eido cultural con Galicia e co galego así como pola relación de profundo amor amosado pola vila de Ribadeo”.
O hispanista lembrou que o 23 de agosto de 1959, cando partiu cara Londres, despois de pasar por primeira vez por Ribadeo o semanario local La Comarca publicaba: un concurso exposición de gando vacuno previsto para as festas patronais, as películas que se proxectaban no Cine Colón e a súa partida da vila, ao igual que as doutros viaxeiros que pasaban por Ribadeo. Rutherford contou que Ribadeo cambiou a súa vida, aquí probou os callos, o pulpo, o chourizo, o viño, o tabaco e descubriu que nalquel entón a xente cantaba nos bares sen estar borracha. Unhas das cousas que máis lle chamou a atención foi o forte sentido de identidade que tiña Ribadeo e fixo alusión aos cambios experimentados ao longo dos anos pola vila.
Fernando Suárez, alcalde de Ribadeo, leu a laudatio do economista Víctor Moro, e entregóulle o distintivo e o diploma acreditativo coma fillo predilecto de Ribadeo “pola túa adicación a Galicia, o teu compromiso con Ribadeo, así como pola defensa do topónimo lexítimo de Ría de Ribadeo”.
Víctor Moro, nado en Ribadeo, tivo palabras de lembranza para os seus amigos de neno e da adolescencia e denunciou o lamentable estado de abandono de Ribadeo por parte dos órganos políticos centrais, así como tamén o olvido no que se atopa A Mariña. Moro dixo que o retroceso é inminente e que salvo o turismo poucas actividades son xeneradoras de progreso e de emprego na zona. Sobre o topónimo de Ría de Ribadeo dixo que ás veces se perde e non se emprega debido á intoxicación política e mediática que padece a sociedade.
O acto de entrega destas distincións a Víctor Moro, John Rutherford e José Calavera deu comezo pasadas as 11:30 da mañá no transcurso dun pleno extraordinario ao que asistiron todos os membros da Corporación Municipal. A asociación Amigos da Gaita e a Coral Polifónica de Ribadeo puxeron a nota musical na emotiva sesión plenaria. Amigos da Gaita interpretou ao inicio do acto o himno do antigo reino de Galicia e a Coral Polifónica cantou durante o pleno Yo quiero ser marinero, Vila meiga e Casiñas brancas, ademáis do himno galego.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
