Os nacionalistas comprométense co Servizo de Axuda a Domicilio de Xove
A área de Benestar Social da Deputación, xestionada polo vicepresidente Antonio Veiga, concedeulle ao municipio mariñao unha subvención de máis de 40.000 euros
O portavoz do Grupo Municipal do BNG na corporación xovense, Marco López, felicitouse pola axuda que o departamento de Benestar Social da Deputación de Lugo destinou ao seu concello neste ano 2012. En concreto a área nacionalista achegou 40.868,00 euros ao Servizo de Axuda a Domicilio, o que supón que Xove sexa o concello da Mariña ao que se destina máis diñeiro. Ademais, a nível provincial só foi superado por Vilalba (44.710,00 euros) e Monforte (52.345,00 euros).
Xove, con só 3.500 habitantes, supera amplamente ás grandes vilas e cidades da provincia de Lugo no compromiso da Vicepresidencia da Deputación co Servizo de Axuda a Domicilio. O concello mariñao é a localidade que máis cartos recibe tendo en conta a ratio por habitante, dado que Monforte de Lemos conta con 20.000 veciños e Vilalba con 16.000, “o que demostra unha vez máis o firme compromiso do Bloque Nacionalista Galego co noso pobo”, afirmou Marco López.
O voceiro nacionalista dixo non entender a actitude do goberno local, “criticando as axudas de 40.000 euros que achegan os gobernos do BNG e aplaudindo a decisión do PP na Xunta de non dar nin un euro para este servizo fundamental”. Marco López preguntouse que é o que busca o PP de Xove con esa “actitude autista” e incidiu na xestión eficaz e transparente, “afastada de partidismos”, dos organismos gobernados polo Bloque.
López reivindicou este tipo de accións comprometidas como un claro exemplo do que é un “goberno para a xente”, sobre todo despois de que a Xunta de Galicia decidira excluír do seu financiamento ao Concello de Xove e os edís do PP na corporación xovense aprobaran en solitario a modificación do regulamento do Servizo de Axuda no Fogar. Esta modificación do regulamento implicou un considerable incremento dos prezos desta prestación asistencial, polo que a subvención da Deputación suporá un aforro indirecto na aportación dos usuarios. “Desde a área nacionalista do goberno provincial pretendemos minguar as repercusións negativas que as decisións políticas do PP provocan en toda a cidadanía”, manifestaron desde o BNG de Xove.
Escusas de mal pagador
Nesta mesma liña, o portavoz municipal do Bloque explicou que o goberno de Feijóo obriga ao resto de administracións a garantir os servizos sociais comunitarios con cargo ao orzamento municipal e provincial “con escusas de mal pagador”, cando é a Xunta quen dispón de máis marxe de manobra e recursos para afrontar este tipo de políticas. Marco López explicou que todo isto non comeza aquí, xa que as axudas autonómicas xa foron recortadas anos atrás. Para Xove, no 2010, o goberno do PP na Xunta destinou 53.439,48 euros ao Servizo de Axuda no Fogar Básico; mentres que o goberno do BNG na Deputación achegou 118.669,70 euros. E no ano 2011 o executivo de Núñez Feijoo destinou 13.600,02 euros, mentres que a Área de Antonio Veiga asignou unha partida de 40.485,00 euros.
Tamén desde o Grupo Municipal nacionalista censuraron que nunha reunión convocada polo vicepresidente nacionalista da Deputación de Lugo á que asistiron os alcaldes de toda a provincia, unha das voces que defendeu con máis entusiasmo o recorte deste servizo público foi a do propio alcalde xovense. No BNG cualifican esta actitude submisa do PP local de “moi grave”, debido á excepcionalidade do Servizo de Axuda no Fogar en Xove. Un servizo que atende a 215 usuarios e xestionan 5 profesionais desde o Concello e 43 empregadas desde a empresa Coidados S.L.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
