O BNG DA MARIÑA URXE MAIOR PROTECCIÓN PARA A BAIXURA POLA SÚA REPERCUSIÓN NO ENTRAMADO ECONÓMICO E SOCIAL DA COMARCA
Ana Ermida asegura que o seu partido está a defender ante a Comisión Europea un reparto de cotas máis responsable e menos ríxido
“Durante o goberno de Feijóo desapareceron 140 embarcacións de baixura e máis de 500 mariscadoras abandonaron a actividade en toda Galiza. Estes datos demostran que o modelo pesqueiro do PP é nocivo para o país”
A Mariña, 14 de setembro de 2012. Unha delegación do BNG, encabezada por Antonio Veiga, responsábel comarcal na Mariña, e composta por Xoán Estúa, vicerresponsábel da organziación na comarca, Ana Ermida, portavoz no concello de Barreiros, Bernardo Fraga, tenente de alcalde de Viveiro, e Mario López, concelleiro en Xove, reuniuse, esta tarde, con representantes da Confraría de Pescadres de Burela para escoitar os problemas e as reivindicacións do colectivo da baixura, nun momento no que as institucións europeas están a debater a reforma da Política Pesqueira Común (PPC).
Ana Emida explicou que “a baixura é a variedade de pesca máis sostíbel e respectuosa co medio marítimo xa que apenas xera desgaste, ademais de crear un maior número de empregos que outras flotas”, motivos polos que o seu partido reclama “un maior recoñecemento para esta modalidade que supón o 80% de toda a pesca. Outros modelos representan unha mínima parte e teñen maior consideración por parte da Comisión Europea”.
Os nacionalistas e a Confraría de Pescadores de Burela insisten en que “o sector artesanal galego é sostible se a distribución de cotas se fai dun xeito responsábel e sen tanta rixidez, algo que está a defender a eurodeputada do BNG ante as institucións europeas. A baixura galega debe contar cunha maior protección polo peso que ten no entramado económico e social nos municipios da Mariña”.
Ermida acusou á Xunta de Núñez Feijóo de “desentenderse” da política pesqueira a pesar de ser un nicho potencial de emprego. “Ao non haber escaseza de recursos os problemas da pesca artesanal galega son meramente políticos. O modelo pesqueiro do Partido Popular é nocivo. Así o demostran os datos; nos últimos tres anos e medio deixaron de faenar 140 embarcacións de baixura, o que sitúa a Galiza á cabeza de Europa, e máis de 525 mariscadoras abandonaron a actividade”.
Comunicación BNG – A Mariña
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
