XOAN ESTÚA DEMANDA A FEIJÓO “UNHA SOLUCIÓN XA PARA A TARIFA ELÉCTRICA DE ALCOA”
Xoán Estúa foi nomeado coordinador de campaña do BNG na Mariña na comisión electoral que o BNG celebrou esta tarde
“Feijóo ten que exercer de presidente e dicir algo. Non pode permanecer calado máis tempo sobre esta problemática que afecta a milleiros de mariñáns” –afirmou Xoán Estúa
A Mariña, 5 de setembro de 2012. Esta tarde xuntouse a comisión electoral do BNG da Mariña para planificar a campaña electoral que rematará nas eleccións autonómicas do vindeiro 21 de outubro, na que se nomeou coordinador da campaña ao concelleiro de Cervo e vicerresponsábel comarcal do BNG da Mariña, Xoán Estúa.
Para Xoan Estúa “existe unha problemática principal actualmente na Mariña que pasa por garantir a continuidade de Alcoa, algo que non vai acontecer até que se estabeleza unha tarifa eléctrica que lle permita traballar nas mesmas condicións co que se asegure o mantemento de todos os postos de traballo actuais. Diante disto, temos que demandar unha vez máis unha solución ao goberno que preside o sr. Feijóo, que ten que exercer de presidente e dicir algo. Non pode permanecer calado máis tempo sobre esta problemática que afecta a milleiros de mariñáns”.
Desde o BNG da Mariña denuncian que o Executivo de Feijóo estivo ausente durante toda a lexislatura seguindo a estratexia de que os problemas soluciónanse sos. “Galiza e a nosa comarca perderon case catro anos cun Goberno que non exerceu as súas competencias e que ficou alleo aos problemas da Comarca, xogando ao despiste en casos coma os dunha industria como Alcoa que aporta ao redor do 35 por cento do PIB lucense e que emprega a máis de 2.000 traballadores. Feijóo sabe que a posibilidade de que Galiza teña unha tarifa eléctrica máis baixa é algo real e posible, por ser un país con excedentes de produción e que soporta os custes sociais e medioambientais, cando por exemplo, o propio sistema eléctrico mantén solidariamente o sistema extrapeninsular (Ceuta, Melilla, e as illas) nun custe estimado para este ano duns 1.800 millóns de euros mais, non obstante, permanece calado e mira cara outro lado, e isto terá que explicárllelo a todas e todos os mariñáns e lucenses”.
Para os nacionalistas mariñáns “o 21 de outubro os galegos e galegas teñen que elixir un goberno que traballe a favor dos cidadáns e non a favor da protección da banca e de aqueles que levaron ao país á grave situación económica e financeira actual e ás cifras máis altas de desemprego de toda a historia. Tanto Galiza como a Mariña merecen un goberno que busque fórmulas para conservar e crear emprego, que poña en marcha plans de industrialización e desenvolvemento económico crible e efectivos e garanta a igualdade de oportunidades. Os cidadáns demandan solucións xustas e actuacións efectivas, non propaganda e desculpas por enganos”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
