O BNG SOLICITA A CONVOCATORIA DA DEPUTACIÓN PERMANENTE DO PARLAMENTO GALEGO ANTE A SITUACIÓN LÍMITE DE ALCOA
Veiga urxe a Barreiro a que confirme se avala o silencio de Mariano Rajoy e Núñez Feijoó sobre a solución da tarifa eléctrica da factoría
Os nacionalistas esperan que “o Partido Popular non estea a tensar a situación para ofrecer unha solución xusto ao inicio da campaña electoral”
“O PP vai á Mariña a inaugurar sedes en lugar de buscar solucións ao futuro de Alcoa”
A Mariña, 12 de setembro de 2012 O BNG solicita que se convoque, de xeito urxente, unha xuntanza da Deputación Permanente do Parlamento galego para fixar unha postura sobre a situación límite da planta de Alcoa na comarca.
O responsable comarcal do BNG na Mariña e vicepresidente da Deputación provincial de Lugo, Antonio Veiga, asegura en que “xa non hai tempo para buscar solucións, é o momento de dar a coñecer como se pode resolver o problema da tarifa eléctrica se é que o goberno de Mariano Rajoy é capaz de pór sobre a mesa algunha medida ao respecto. Estamos nunha situación límite a consecuencia da falla de preocupación, interese e acción de goberno dos executivos central e autonómico”.
O BNG desconfía de que “o Partido Popular estea a tensar a situación para presentar a solución ao futuro de Alcoa na Mariña no último momento e xusto ao inicio da campaña electoral. A estas alturas é incompresible que o goberno do Estado non presentara ningunha alternativa para evitar o peche da factoría”.
Para o responsable comarcal da formación nacionalista “se Alcoa se ve obrigada a pechar pola falla de iniciativa dos gobernantes do Partido Popular haberá dous responsables claros da desfeita económica e social que se vivirá na comarca: Mariano Rajoy e Alberto Núñez Feijóo. Ningún dos dous foi capaz de liderar este problema buscando solución, garantindo a continuidade da planta e evitando o despedimento de 2.000 traballadores”.
Para Antonio Veiga “José Manuel Barreiro, portavoz dos populares no Senado e presidente provincial do PP lucense, debe aclarar se apoia ou non o silencio de Rajoy e Feijóo sobre o futuro de Alcoa. Barreiro debería aclarar que papel ocupa dentro do equipo económico do Partido Popular porque aínda que forma parte del demostra non ter influencia nin iniciativa. Os populares veñen á Mariña a inaugurar sedes pero pasan de longo ante o problema de Alcoa”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
