AZKAR LUGO, NA RECTA FINAL DA PRETEMPADA (MARTES 4, 21.00 HORAS)
Na última semana de pretempada, o Burela FS Pescados Rubén visitará mañá o Azkar Lugo FS como posta de gala dos transportistas (Palacio Municipal dos Deportes, 21.00 horas).
O da cidade amurallada será o quinto amigable para a escuadra de Julio Delgado, con tres vitorias (Santiago Futsal 3-1, Automoción La Junquera 5-3, O Esteo As Pontes FS 3-2) e 1 derrota (Santiago Futsal 2-0). Para os lugueses será o sexto, tras o empate co ruso Novaya Generatsiya (1-1), a terceira praza no torneo portugués Cidade de Lamego (Benfica 6-3 Azkar, Modicus 1-2 Azkar), unha derrota co Santiago Futsal (3-4) e a vitoria co Concello de Guitiriz (2-9).
A última cita antes da estrea ligueira será o asturiano I Torneo Villa de Ribadesella o 7 e 8 de setembro, xunto a outro rival de Primeira, Triman Navarra, e os conxuntos de Terceira Avilés Sport e Rompiente FS.
I Trofeo Cidade de Tui
O cadro laranxa non puido facerse co Trofeo de Tui esta fin de semana, no segundo duelo da pretempada que o enfrontaba ao Santiago Futsal. Unha semana despois de impoñerse no Memorial Celso Currás de Trabada (3-1), a portería resistiuse para os burelaos, nun encontro no que os composteláns venceron 2-0, con tantos de Raúl Campos (minuto 8) e David (24).
Ficha técnica
Santiago Futsal: Barroso, Luis, Alan, Álex e David Pazos, no cinco inicial; tamén xogaron David, Mario Costa, Carlos Barrón, Hugo, Raúl Campos, Frois e D. Quintela
Burela FS Pescados Rubén: Edu, André, Enrique, Juanma e Dani Martín, no cinco inicial; tamén xogaron Iago Míguez, Christian, Hugo, Fabio, Antón e Iago Barro
Goles: 1-0, minuto 8, Raúl Campos; 2-0, minuto 23, David
Tarxetas: Polo Santiago, amarelas para Mario Costa e Raúl Campos; no Burela FS tamén foron amoestados Enrique, Juanma, Fabio e Antón
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
