Cervo dáse a coñecer en eventos e centros de negocios e socialización de Houston na Semana de Galicia
O Concello de Cervo anuncia que se está posicionando e buscando o seu oco turístico e comercial en Houston
-Hoxe o concello estará presente no Stafford Center, un centro de congresos e eventos da cidade texana
-O programa de actos incluíu a proclamación oficial da Semana de Galicia, concedida polo concello de Houston
Cervo, 21 de setembro de 2012-Cervo estase posicionando e buscando o seu oco turístico e comercial en Houston (Texas) a través da Semana de Galicia promovida pola empresa Go Galicia Worldwide Business e na que participan varios concellos galegos, a Xunta e outras entidades. No caso do Concello de Cervo, o municipio está presente no evento xunto con Sargadelos e outras empresas do territorio cervense.
A promoción de Cervo estase realizando a través de continuas presentacións en distintos eventos, espazos de negocios e de socialización da cidade e nos medios de comunicación. Onte mesmo o municipio tiña protagonismo na International Business Conference and Expo, un encontro de alcance internacional no que participaron uns 250 empresarios de todos os sectores, no que varias persoas se interesaron polo tecido industrial e empresarial así como pola oferta inmobiliaria do municipio. Un evento no que estivo presente a alcaldesa de Houston, Anise Parker e o sheriff, Adrián García, que recibiron como agasallo senllos pratos de Sargadelos deseñados exclusivamente para a ocasión.
A presentación de Cervo tamén chegou ata a Universidade de St. Thomas, ante un grupo de estudantes e público interesado no municipio. Para hoxe está prevista a presentación no Standfford Center, un centro destinado á organización de congresos, convencións e grandes eventos.
Nas presentacións estívose entregando material promocional, tanto turístico como das empresas que se acolleron ao chamamento realizado no seu día polo Concello para participar no evento. Tamén se proxectou un vídeo con imaxes dos maiores atractivos turísticos do municipio, que tivo moi boa acollida. Sargadelos tamén tivo o seu acto propio, no que se exhibiron varias pezas de cerámica e se deron a coñecer as especificidades da arxila galega que se procesa na planta asentada en Cervo.
O evento comezaba o pasado luns coa recoñecemento oficial da Semana de Galicia, un acto no que a alcaldesa da cidade e o vicealcalde, Ed González, entregaron o documento de proclamación aos representantes da empresa promotora, e que supón un impulso a un proxecto pioneiro que acaba de arrincar.
“Hacer un balance en estos momentos sería precipitado, ya que la Semana de Galicia en Houston es sólo un reclamo inicial que se completará con distintas acciones repartidas durante todo un año. Pero además, hay que tener en cuenta que los efectos de esta inciativa se deben valorar a medio-largo plazo” explica a edil de Turismo, Begoña Alonso. “Lo que es seguro, y así nos lo están transmitiendo los representantes de la empresa organizadora, que están llevando a cabo todos los trabajos de promoción” engade a edil, “es que la Semana de Galicia está teniendo muy buena acogida por parte de los empresarios y del público en general así como en los medios de comunicación, que le están dando difusión, y por supuesto del ayuntamiento de Houston, que ya ha proclamado el evento de forma oficial”.
O alcalde, Alfonso Villares tamén fixo unha valoración moi positiva: “Dende o Concello estamos convencidos de que a Semana de Galicia en Houston será beneficiosa para o noso municipio, porque a súa filosofía é tan clara como eficaz: Ensinar e expoñer todo o que temos aquí, e levalo a lugares nos que hai posibilidades para iniciar novas relacións”. Para Villares “o camiño que temos que tomar nestes momentos é o de abrir novas ventás para o turismo e os negocios”.
Críticas do PSOE
O rexedor lamentou que “haxa que non sexa quen de alegrarse de que o nome de Cervo se comece a escoitar noutros lugares aos que nunca chegaramos” en alusión ás críticas do grupo municipal socialistas sobre esta iniciativa de promoción e sobre o estado das praias. “O que non se pode facer é mesturar esta apertura de miras que supón a Semana de Galicia co estado das praias”, explica o mandatario cervense, a quen lle parece que “os socialistas non se queren dar conta de que a situación económica, non de Cervo, senón de todo o mundo, é moi dura, e polo tanto, é inevitable que haxa certos servizos que se resintan, e cos que resulta imposible facer máis”. O que é “innegable” para o rexedor é que “o traballo das persoas contratadas para a conservación das praias foi encomiable e fixeron un esforzo digno de loanza”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
