Es posible que tu navegador no permita visualizar esta imagen.
Os populares celebran que o goberno mindoniense corrixa unha decisión equivocada
O alcalde de Mondoñedo só acerta cando rectifica e acepta en parte as alegacións do PP e veciños ao variar a prohibición de estacionamento na Fonte Vella
O Grupo Municipal do Partido Popular manifestouse critico polos problemas de estacionamento que conlevaba a obra do entorno da catedral, e pola prohibición de estacionar nesta zona sen ofrecer alternativas ao respecto dificultando o día a días dos veciños desta zona
O PP agradece o traballo e loita dos veciños, responsablemente e con rigor na defensa dos seus intereses, e do comercio local, que trasladaron ao equipo de goberno as súas queixas ante esta situación carente de consenso, ao tempo que reitera a súa dispoñibilidade cos mindonienses, co obxectivo de titular e defender os seus intereses
Os populares aseguran que o sectarismo político do rexedor local conleva que o equipo de goberno só acepte en parte as alegacións presentadas, xa que os veciños seguen a sufrir o caos para estacionar no entorno do centro de saúde
Mondoñedo, 15 de setembro de 2012- O Partido Popular de Mondoñedo trala actitude xestora do goberno municipal caracterizada en numerosas ocasións pola imposición e a falta de consenso, asegura que o rexedor mindoniense, o nacionalista Orlando González, só acerta cando rectifica. Os populares fan estas declaracións en base as novas publicadas nos medios, (xa que os populares non recibiron ningún tipo de información), nas que o responsable en materia de tráfico asegura que se variará a prohibición de estacionamento no entorno da Fonte Vella escoitando en parte así as alegacións presentadas tanto polo Partido Popular como polos veciños da zona.
A xestión en materia de Tráfico do goberno nacionalista e do PSOE xerou malestar nos veciños, dado a intencionalidade de prohibir estacionar na zona sen ofrecer alternativas ao respecto, unha situación que se veu incrementada co pésimo resultado nas obras da catedral “un exemplo de dilapidación de diñeiro público”.
Os populares consideran que esta obra inutilizou o entorno da praza do seminario e máis dificultou a circulación na zona. A colocación de cadeiras e pedras sen utilidade definida neste entorno xa conlevou consecuencias negativas para os veciños, provocando choques de vehículos contra os bloques de pedra asentados na zona. O Grupo Municipal do Partido Popular criticou en numerosas ocasións que esta obra dificulte o aparcamento na zona, sobre todo para os veciños destas rúas, dificultando o día a día dos residentes que se atopaban sen alternativas ao estacionamento. O PP lamenta que o sectarismo político leve ao rexedor local a estimar só en parte as alegacións presentadas, e o caos para estacionar no entorno de saúde segue sen resolverse.
A presión reiterada do PP e o malestar dos veciños parece que lle fixo ao nacionalista Orlando González modificar a súa actitude xa que o equipo do BNG e do PSOE no concello de Mondoñedo ata o día de hoxe non acordara cos veciños un plantexamento serio en materia de tráfico.
O Partido Popular manifestou en todo momento e reiterou a necesidade de acordos consensuados e pactar unha reordenación de tráfico na cidade, facilitando e sensibilizando a poboación o uso razoable e respectuoso dos espazos que fomente a convivencia de peóns e vehículos, conlevando un aspecto dinamizador da riqueza para o comercio e a hostalería mindoniense.
Os populares seguen a lamentar a pésima política de tráfico no entorno do centro de saúde, que dado ao reducido número de prazas de estacionamento, incluso non hai zona reservada para minusválidos, está a conlevar problemas de aparcamento para os veciños que acoden ao centro de saúde. Tanto é así, que foron reiteradas as criticas manifestadas polos mindonienses polo elevado número de multas nas inmediacións. Candia explica que a política de tráfico do grupo do goberno é “criticable e indigna e máis cando vai dirixida a persoas que con caracter de urxencia se ven obrigados a asistir ao PAC”. Os populares solicitaron a habilitación en horario de maña, unha zona de aparcadoiro en batería na alameda para poder acceder ao centro de saúde, que non foi aceptada.
Os populares agradecen que o rexedor local corrixa unha decisión equivocada , e que aínda que sexa con falta de verdade, de democracia e de transparencia, dean a razón as peticións do PP. De igual maneira, o PP de Mondoñedo agradece o traballo e loita dos veciños, responsablemente e con rigor na defensa dos seus intereses, e do comercio local.
Candia cre que esta actitude de procura de consenso e de solucións sempre a prol dos traballadores é a pauta de traballo a seguir, antepoñendo sempre a actividade económica dos negocios e autónomos das rúas afectadas. Os populares reiteran a súa dispoñibilidade de axuda aos veciños, e de tutelar e defender os intereses dos mindonienses, e traslada unha mensaxe de serena noraboa aos afectados, dado que entre todos se posibilitou que o bipartito rectificara nunha decisión errada.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
