O deputado popular Jose Manuel Balseiro fai balance da lexislatura que remata sinalando que a nosa comarca, pese ao contexto xeral de dificultade, recuperou o protagonismo perdido durante o goberno bipartito
O GOBERNO FEIJÓO VOLVE A SITUAR NA MARIÑA NO MAPA DOS INVESTIMENTOS
A Xunta multiplicou por dous os investimentos para obras ou servizos con destino concreto para a nosa comarca pasando de 14,9 M€ co bipartito a 35,7 M€ en 2012.
O PP executou compromisos pendentes do bipartito: As obras do hospital (área de maternidade, rampla, arquivos, dotación de novas tecnoloxías), parques de bombeiros, obras de desmonte no primeiro treito lucense do corredor, novos ciclos de Formación Profesional, residencias de Viveiro e Xove, centros de apoio á menores en Viveiro e Burela, apoio ao sector pesqueiro e obras para garantir a plena operatividade do porto de Mirasol.
A Mariña, 4 de setembro de 2012.- O deputado do Partido Popular de Galicia, Jose Manuel Balseiro, significou que a lexislatura que remata serviu para volver a situar a Mariña no mapa dos investimentos. Segundo Balseiro os catro anos do anterior goberno bipartito non só esqueceron e desprezaron as necesidades desta comarca senón que negaron os recursos e apoios específicos para afrontar os principais retos de futuro.
“Foron PSOE e BNG incapaces de executar un só quilómetro de obras do corredor da costa, acometer as obras no hospital ou dotar á Mariña dos parques de bombeiros. En tempos de bonanza, as forzas do bipartito non foron capaces de apostar pola Mariña”.
“Pola contra -sinalou Balseiro- hai un dato notable e obxectivo. O compromiso inversor da Xunta, materializouse en que mentres que no 2012 a Xunta achega 35,7 millóns de euros para obras ou servizos con destino concreto na nosa comarca, os últimos presupostos elaborados polos socialistas e nacionalistas -en 2009- só eran de 14,9 millóns de euros, menos da metade”.
HOSPITAL E SERVIZOS SOCIAIS
Balseiro explicou que gracias ao equipo que lidera Feijóo acometéronse as obras pendentes no Hospital da Costa: nova área de maternidade, rampla, arquivos, dotóuselle de novas tecnoloxías médicas -como os novos ecógrafos cardiógrafos, e buscouse corrixir a herdanza envelenada en materia de listas de espera. O deputado popular significou tamén que de cara o futuro, esta lexislatura que remata serviu para poñer ás bases que farán posible a ansiada obra de ampliación da principal infraestrutura de saúde da Mariña, do noso hospital.
Tamén en materia de servizos sociais foi posible impular co apoio da Xunta novas residencias para persoas maiores como as de Viveiro ou a que está en plena construción en Cervo ou melloráronse garderías como as de Foz e Burela. Balseiro tamén significou os apoios nos centros de atención á familia e menores de Viveiro e Burela, xestionados pola Igrexa.
OBRAS PÚBLICAS
Executáronse obras de mellora en abastecementos como o de Burela-Cervo e estacións depuradoras, como a de Ribadeo. Corriximos a histórica carencia en materia de seguridade pública, coa apertura dos dous parques contraincendios, que non foi posible abrir na época do bipartito, pese a que PSOE e BNG xestionaban Deputación e Xunta.
O PP tivo na súa man, nestes catro últimos anos o desbloqueo do corredor da costa, e efectuou as obras de desmonte e adecuación inicial no primeiro treito lucense e impulsou os trámites administrativos no resto do percorrido
Apostouse pola educación pública coa apertura de novos ciclos formativos acaídos as posibilidades laborais. Deu conta do seu apoio ao sector pesqueiro, confrarías e organizacións de produtores e aos tecidos económicos esquecidos polo bipartito, como foi o caso do investimento na obra de ampliación do dique de Mirasol en Ribadeo, que garantiu que siga plenamente operativo.
Para Balseiro a chegada do PP ao goberno da Xunta baixo o liderado de Alberto Núñez Feijóo “ofreceu un proxecto á cidadanía de unidade, compromiso coa xestión e un proxecto serio e maioritario. Non é casualidade que, a pesar da que está caendo no ámbito económico, Galicia presuma en toda España de solvencia financeira e de cumprir os obxectivos de déficit sen ter que recortar no Estado do Benestar, como acontece noutros sitios.”
NON NEGAMOS A CRISE, COMBATÉMOLA
Apegado á realidade o deputado popular concluíu sinalando que “ninguén pode negar que A Mariña sufre, como o resto de España e de Europa os efectos da crise, que hai familias con dificultades e retos por superar e corrixir. Pero precisamente por iso aspiramos a contar de novo coa confianza maioritaria dos veciños desta comarca para xunta ao presidente Feijóo consolidar unha terra de primeira, moderna e activa e fuxir de experimentos raros como os do bipartito, que saen caros. ¿Como van a gobernar Galicia, PSOE e BNG, se non saben nin xestionar con unidade o seus partidos?”
En definitiva segundo o deputado popular hoxe, temos un presidente que “rigoroso, responsable, o mellor preparado e o máis solvente para seguir xestionando este tempo tan complexo”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
