Os socialistas interésanse por un tema polo que o goberno do Partido Popular levou a dianteira desde o primeiro momento
BALSEIRO: “O PSOE DÁSE CONTA DO IMPORTANTE QUE É O SECTOR PESQUEIRO GALEGO AO REMATE DA LEXISLATURA”
O voceiro do Mar do Grupo Parlamentario di que Manuel Vázquez “vai recoller os froitos de todo un exército de formigas (o sector) que estivo sementando o seu apoio en Bruxelas durante os últimos anos”
Os populares dan a benvida ao PSOE á postura dos que defenden a necesidade dun acordo máis positivo con Mauritania e lémbranlles que desde fai meses os Estados da UE xa están de acordo con darlle un apoio e tratamento diferenciado á pesca artesanal e ao marisqueo.
Santiago de Compostela, 13 de setembro de 2012.- O deputado do Grupo Parlamentario Popular, Jose Manuel Balseiro, asegurou que o PSOE, co seu candidato á cabeza, Manuel Vázquez, “deuse conta do importante que é o sector pesqueiro galego ao remate da lexislatura e, nesa liña, dixo que os socialistas foron a Bruxelas a interesarse por uns temas polos que o goberno do Partido Popular e a Xunta “levou a dianteira desde o primeiro momento”.
Os “supostos logros” dos que falaba Manuel Vázquez tras a súa visita á capital europea non son tal, segundo Jose Manuel Balseiro, quen non dubidou en comparar ao candidato do PSOE co conto da formiga e da cigarra: “Manuel Vázquez semella a cigarra que vai recoller os froitos do que todo un exercito de formigas -o sector- estivo sementando ao longo dos últimos tres anos e medio en Europa”.
DEFENDER A POSTURA DO SECTOR PESQUEIRO
En relación co apoio ao sector diante das institucións comunitarias os populares aseguran que a postura que hai que defender é a aprobada por unanimidade polos representantes dos sector no Consello Galego de Pesca da semana pasada. “O Partido Popular defenderá dita postura, que é a que referendou o sector. Cremos que non ten sentido ir batallar cada un pola súa conta, tal e como fixo a oposición recentemente, senón todos xuntos, tendo o aval do sector”-dixo Balseiro Orol
ACORDO CON MAURITANIA
Desde o Grupo Parlamentario Popular non dubidan en dar a benvida ao PSOE a quenes defenden a necesidade dun acordo máis positivo con Mauritania. “Volven a chegar cun mes de atraso, pero é un comportamento típico do PSOE. Aínda que non deberan esquecer que desde o minuto un xa lle pediron desde a Consellería do Medio Rural e do Mar ao Ministerio de Agricultura, Alimentación e Medio Ambiente que se anulase o actual acordo e se reabriran as negociacións con Mauritania por parte da Unión Europea, que é a encargada de levar a cabo as negociacións e a firma dun novo acordo”.
A ese respecto Balseiro tamén sinalou que o PSdeG-PSOE “se equivoca de porta na que pedir”, ao dicirlle á Xunta e ao Estado que debe reabrir as negociacións. En lugar disto -aconsella o deputado popular- “Manuel Vázquez debera pedir explicacións aos seus compañeiros de partido, por que foi o PSOE cando gobernaba en España quen lle deu o visto bo aos acordos das cinco primeiras roldas negociadoras, onde se pecharon os principais termos deste acordo que hoxe lamentamos”.
MARISCADORAS
Manuel Vázquez, tamén parece decatarse agora, de que haberá un tratamento singular para as mariscadoras e para a pesca costeira artesanal, algo que a Xunta de Galicia e o sector pesqueiro viñan demandando dende hai máis de un ano e no que os Estados membros xa están de acordo desde hai meses.
“Posiblemente o Señor Vázquez non saiba que non é a primeira vez que o marisqueo recibiu fondos europeos” -dixo Balseiro- “De feito con estas achegas comunitarias leváronse a cabo proxectos colectivos coas confrarías e outras entidades nos que o marisqueo era o principal destinatario de axudas; con estes fondos, concretamente os destinados a vixilancia, se están a vixiar os bancos marisqueiros; as asistencias técnicas para a xestión de recursos mariños teñen como obxecto maioritario o seguimento de bancos marisqueiros; hai que lembrar que os proxectos de rexeneración de zonas de marisqueo improdutivas e as achegas para o mantemento da potencialidade produtiva de zonas C foron sufragados en parte con fondos europeos”.
“É posible que Pachi Vázquez descoñeza todos estes investimentos, que supuxeron un aporte de ducias de millóns de euros para o sector marisqueiro nestes anos, pero resulta máis difícil de entender o seu descoñecemento por parte do seu equipo que o acompañou, entre os que se atopaba a anterior conselleira de Pesca, Carmen Gallego, o que non fai máis que reafirmarnos na idea de que executaban non sabía o que executaban, nin o que facían
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
