Dende a Comisión Executiva do PSdG-PSOE de Burela queremos “felicitar” ao concelleiro de obras D. Manuel Fernández Valle, por ter rematado con éxito o arranxo do tobogán do parque Rosalía de Castro, non era sen tempo.
Recordar que o 20 de Abril uns vándalos o destrozaban deixándoo inutilizado para o uso dos nenos. En vistas de que non había movementos dende o Departamento de Obras e Servizos do Concello de Burela, o PSdG-PSOE decide sacar unha nota de prensa un mes despois, xa que có bo tempo o parque é un fervedoiro de nenos, pais e nais, que queren disfrutar das instalacións do parque Rosalía.
A intención desa nota de prensa era dar a coñecer o deterioro do tobogán, e que se intentara así axilizar o labor de este Concelleiro, responsable da situación. Nós somos conscientes de que “las cosas de palacio van despacio”, e máis con este equipo de goberno que temos. Nesta ocasión, despois de cinco longos meses …. lógrase comprar e atornillar a peza rota con éxito. ¡¡PARABÉNS, polo seu esforzo e adicación para o pobo de Burela!!. Agora só falta que limpe o parque en condicións para que os nenos poidan disfrutar das instalacións sen ningún risco.
Noutro orde de cousas, seguimos a asistir atónitos ó uso que se fai do Grupo Municipal de Intervención Rápida (GRUMIR) por parte do “equipo” de goberno, xa que vimos de enterarnos de que agora faise uso deste servizo como se foran choferes oficiais do equipo de goberno, xa que fai algunhas fechas requiriuse por parte dunha concelleira do equipo de goberno a súa presenza en Cervo a modo de choferes oficiais.
Esta actuación parécenos unha tomadura de pelo para os veciños e veciñas de Burela, e o máximo responsable do Concello, Sr. Barcia, debe de dar explicacións deste asunto, ben por estar enterado do mesmo e consentilo, o que nos parece moi grave, ou o que nos parecería aínda máis grave que non estivera enterado desta situación, o que nos faría pensar que o Sr Barcia non se entera do que fan os membros do seu equipo de goberno e o uso que fan dos servizos dos veciños e veciñas do noso pobo con fins particulares.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
