O PSdeG unirase ao apagón dos traballadores de Alcoa e pedirá a deputación permanente para que Feijóo compareza de urxencia no Parlamento
– Todos os municipios gobernados polo PSdeG en Lugo, igual que fará a Deputación, apagarán as luces do concello e o alumeado público de 21.30 a 21.45 horas deste xoves, como apoio aos traballadores da factoría
– Os socialistas destacan que chegar a un acordo en Alcoa “é un problema de todos”, piden a comparecencia urxente de Feijóo e esíxenlle responsabilidade: “Este non é o momento de fotos de última hora nin da política de xestos á que nos ten acostumados; é momento de solucións e compromiso”
José Ramón Val, candidato pola Mariña Luguesa, Concepción Burgo, número un da candidatura do PSdeG na provincia, e Ismael Rego, deputado autonómico e membro da candidatura socialista, visitaron esta tarde as instalacións de Alcoa en San Cibrao para amosar o seu apoio aos traballadores da factoría e esixirlle a Feijóo “que se pronuncie de urxencia” diante dunha situación “moi grave para a provincia”. Así, por unha banda, o PSdeG anunciou que todos os municipios con goberno socialista en Lugo secundarán o acto previsto polos traballadores de Alcoa para este xoves de 21.30 a 21.45 horas, e apagarán as luces do concello e o alumeado público. Por outra parte, o PSdeG pedirá a deputación permanente no Parlamento galego para que Feijóo dea explicacións sobre a negociación.
José Ramón Val lembrou que Alcoa supón “arredor do 35% do PIB” da provincia. “Esixímoslle a Feijóo que se de verdade cre que isto é importante, deixe de mirar para outro lado e que se pronuncie xa. Por aquí pasaron moitos cargos do PP comprometendo datas, pero as datas pasaron e o problema segue”, lamentou. “Zapatero e Touriño foron quen de chegar a un acordo para a bonificación da tarifa eléctrica de grandes consumidores, é tamén é totalmente posible facelo neste momento”, engadiu. Pola súa banda, Concepción Burgo lembrou que “o de Alcoa é un problema de todos, é un dos piares económicos máis importantes na provincia e hai que conseguilo entre todos”. Burgo esixiu que “Feijóo e Rajoy tomen unha decisión e non se lles ocurra xogar co traballo de miles de persoas”. A número un por Lugo anunciou que secundarán o apagón. “Esperamos que este apagón non sexa o anticipo do que pode ser o apagamento de toda esta provincia”, advertiu.
Na mesma liña, Ismael Rego pediu que Feijóo explique “que xestións ten feito, porque os resultados son cero”, e advertiu ao presidente da Xunta de que “este non é o momento de fotos de última hora para tentar facer política de xestos, ao que nos ten acostumados, senón de solucións e de comprometerse”. Lembrou que se hai un acordo ata o 30 de decembro é “porque Touriño e Zapatero foron capaces de comprometelo ata hoxe. Só faltaba que agora tamén sexa problema dos socialistas que estamos na oposición. Algún desaproveitou unha oportunidade de ouro para estar calado”, sentenciou.
2
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
