O goberno de Feijóo pon “en grave risco” os programas de diversificación curricular na educación secundaria
– O recorte do 10% no profesorado da ESO fai que os docentes teñan serias dificultades para asumir estas clases de reforzo
-“Como sempre, o goberno da Xunta só pensa nunha educación elitista e deixa de lado os rapaces máis desfavorecidos e que máis o necesitan”, lamenta Carlos Ferreiro, secretario de Educación e Lingua do PSdeG-PSOE en Lugo
-Na provincia luguesa hai baixas de profesorado que non se cubren en períodos de ata vinte días, coa conseguinte precariedade e redución da calidade do ensino
O PSdeG-PSOE de Lugo recolle as preocupacións do profesorado na provincia no día en que se inician as clases de secundaria e bacharelato e alerta de que o goberno de Feijóo está a pór “en grave risco” os programas de diversificación curricular, dirixidos aos rapaces que teñen máis dificultades nos estudos da ESO. Os socialistas advirten de que o recorte do 10% no profesorado destes cursos fai que os docentes teñan cada vez máis dificultades para poder asumir os horarios destas clases de reforzo. A tendencia de continuos recortes no ensino público fai que haxa “un perigo real” de acabar con estes programas, “que xa agora se están a soster cun grande esforzo por parte dos profesores”, asegura Carlos Ferreiro, secretario de Educación e Lingua do PSdeG-PSOE en Lugo.
“Como sempre, o goberno da Xunta só pensa nunha educación elitista e deixa de lado os rapaces máis desfavorecidos e que máis o necesitan”, lamenta Carlos Ferreiro, que informa tamén de que o que anuncia o goberno de Rajoy xa sucede en Galicia desde hai tempo. Na provincia xa hai baixas do profesorado que non se cubren en períodos de ata vinte días, sendo asumidas as clases por docentes doutras asignaturas, “coa conseguinte precariedade e redución da calidade no ensino”.
Comedor e libros
Este é só un problema máis engadido ao desmantelamento do ensino público por parte do Goberno de Feijóo, ao que se suman outras medidas que tamén afectan á educación secundaria, como recorte dun 40% nas becas para pagar o comedor escolar, unha partida que Educación reduciu a 700.000 euros, e a baixada das axudas para libros. Nin sequera as axudas máximas, ás que só accede unha minoría, chegan a cubrir nin a metade do custo dos libros de texto en secundaria. “Hai familias en Lugo que teñen que asumir gastos de ata 700 euros polos libros de dous fillos”, destaca Ferreiro.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
