O PSdeG de Lugo ratifica, tras coñecer os Presupostos do Estado, que “Galicia ten a palabra para frear unha política que leva o país costa abaixo”
-A candidata por Lugo, Concepción Burgo, amósase “realmente preocupada” polo recorte dun 23% máis nos fondos para Galicia e destaca que “os que queren aniquilar os servizos sociais estano conseguindo a pasos de xigante”
– Burgo incide nos “incomprensibles e inaceptables” recortes dun 6,3% na partida para o desemprego e un 34,6% nas políticas activas de emprego en toda España. “Feijóo conseguiu que Lugo teña un 35% máis de paro en tres anos, e agora Rajoy vén poñer a puntilla”, lamenta
-A socialista critica ademais a paralización de varios tramos da autovía Lugo-Santiago, “que agora xa din que se rematará en 2017 en vez de 2015” e o abandono da obra da autovía Lugo-Ourense. “Por se alguén tiña dúbidas de que Lugo non está entre as prioridades do PP, aquí está a mostra”, sinala
A candidata do PSdeG-PSOE por Lugo, Concepción Burgo, amósase “realmente preocupada xa tras só a primeira vista por riba dos Presupostos do Estado”. Nunha primeira valoración, Burgo destaca o “recorte dun 23% máis nos fondos para Galicia” e, sobre todo, céntrase en recortes “incomprensibles, inaceptables e inasumibles” como o 6,3% na partida para o desemprego e parados de longa duración, un 34,6% nas políticas activas de emprego, un 22,6% en Sanidade ou un 14,4% en Educación en toda España. “Os que queren aniquiliar os servizos sociais estano conseguindo a pasos de xigante”, lamenta. Con respecto ao paro, destaca que “Feijóo conseguiu que Lugo teña un 35% máis de desemprego en tres anos, e agora Rajoy vén poñer a puntilla”. Por iso, di, “Galicia ten a palabra o 21 de outubro para frear unha política que leva o país costa abaixo”.
Ademais do recorte nos servizos sociais, “que demostra cales son as prioridades do PP e que os que volven a pagar, coma sempre, son os que máis sufren e os que máis necesitan que os axuden”, Burgo fai unha primeira valoración a partidas de Fomento referidas a Lugo. “Paralizan varios tramos da autovía Lugo-Santiago, que tanto prometeron, e agora din que xa non é 2015, senón 2017”, ademais do “abandono” da obra da autovía Lugo-Ourense. “por se alguén tiña dúbidas de que Lugo non está entre as prioridades do PP, aquí está a mostra”, di a socialista, que lamenta “que despois de tanto prometer de novo volvan a enganar aos cidadáns”. Ademais, cre que os recortes non quedan aquí: “Estes presupostos chegan en época preelectoral, así que non quero nin imaxinar o que pode vir despois e canto tardarán en volver modificalos”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
