Rapaces de Eu Son de Burela acudiron á Casa da Cultura a disfrutar do xogo xigante dos residuos de Sogama

Rapaces da asociación Eu Son de Burela acudiron esta mañá á Casa da Cultura a disfrutar do xogo xigante dos residuos de Sogama.
Segundo explican desde a Concellería de Medio Ambiente “dito xogo está orientado para nenos co fin de inculcarlles boas prácticas na aplicación do principio das 3 erres (Redución, Reutilización e Reciclaxe). Neste xogo préstase especial atención á axeitada separación dos refugallos en orixe e o posterior depósito dos mesmos nos distintos contedores de recollida selectiva.
Así, un total de 120 preguntas identificadas por cores poñen a proba os coñecementos do alumnado na materia, permitíndolles aprender, ao tempo que se divirten e entreteñen”. O xoves será a Asociación de Axuda ao Enfermo Mental, a que acuda á Casa da Cultura a participar nesta actividade coa axuda das monitoras de Gaia, tal e como fixeron hoxe os rapaces de Eu Son.

Rapaces da asociación Eu Son de Burela acudiron á Casa da Cultura a disfrutar do xogo xigante dos residuos de Sogama