TÁBOAS ENTRE O BURELA FS E O AZKAR LUGO (4-4)
O Burela FS Pescados Rubén recolleu onte un meritorio empate no seu desprazamento a Lugo, na presentación dos transportistas (4-4). “As sensacións do partido foron moi boas; notouse que o traballo se vai plasmando pouco a pouco na pista. Tacticamente o equipo funcionou, en posesión e circulación de balón e defensivamente estivemos acertados, con moitos minutos coa portería a cero” analizou o adestrador laranxa, Julio Delgado.
Nunha cita na que reinou o equilibrio e unha intensidade pouco habitual en pretempada, foron os laranxas os que tomaron a dianteira, na primeira parte, coa transformación dun penalti de Juanma (minuto 12).
Tras o descanso, a escuadra laranxa, sen Hugo e Nacho Pedraza, axiña puido ampliar a vantaxe ao 0-3 xa no minuto 23, con tantos do Mariskal, novamente, e Fabio. Excedido o ecuador do período, Christian recuperou as distancias co 1-4, tras a leve recuperación transportista, nas zapatillas de Bruninho (minuto 30). “O Azkar adiantou lixeiramente as liñas nos últimos minutos e puido empatar por desaxustes puntuais, emendables sen problemas” valorou Julio Delgado: “O 2-4 chegou nunha xogada de estratexia, o desgaste dos minutos condicionou o 3-4 e o empate chegou nun penalti” puntualizou o técnico.
Ficha técnica
Azkar Lugo: César, Diego Núñez, Jhony, Cuco e Adrián, no cinco inicial; tamén xogaron Iago Rodríguez, Jandri, Bruninho, Aranburu, Antonio, Cospe, Alex Diz, Juanpe, Solloso, Illi e Óscar Iglesias.
Burela FS Pescados Rubén: Edu, Mimi, André, Juanma e Iago Míguez, no cinco inicial; tamén xogaron Enrique, Dani Martín, Christian, Antón, Fabio e Iago Barro.
Árbitros: Cid Bragado e González Armada (comité galego)
Goles: 0-1, minuto 12, Juanma (penalti); 0-2, minuto 22, Juanma; 0-3, minuto 23, Fabio; 1-3, minuto 30, Bruninho; 1-4, minuto 32, Christian; 2-4, minuto 33, Aranburu; 3-4, minuto 35, Alex Diz; 4-4, minuto 38, Aranburu (penalti)
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
