A falta de contundencia condena ao Burela FS B (8-5) ante o Ribeira de Piquín
Non foi suficiente o dominio dos de Iván Cao ‘Lucas’ ante a contundencia amosada polo Ribeira de Piquín. Dominou o equipo laranxa durante boa parte do encontro pero os locais transformaron con certa facilidade, mentres os burelaos sufrían na finalización, o que provocou unha diferenza de 8-2 no minuto 37.
A falta de cinco minutos para o final, o Burela FS Pescados Rubén B intentouno con xogo de cinco e recortou a distancia no marcador ata o 8-5 final. Foi todo o que puido facer o conxunto laranxa ante un Ribeira de Piquín máis experimentado. Gran partido non obstante do Burela FS B que segue a afianzarse na categoría da que está a ser a súa primeira tempada en Terceira.
Ficha técnica
Pavillón Municipal de Meira
Árbitros: Diego Franco e Efrén Álvarez.
Ribeira de Piquín: David, Solla, César, Miguel e Daniel. Tamén xogaron Ismael, Kini, Enrique, López e Ángel.
Burela FS B: Erik, Bruno de Nois, Fabio, Antón e Keko. Tamén xogaron Samuel, Carlos, Souka, Xoia e Helder.
Goles: 1-0, minuto 2, Daniel; 2-0, minuto 5, César; 2-1, minuto 10, Fabio (d.p.); 3-1, minuto 14, Miguel; 3-2, minuto 14, Xoia; 4-2, minuto 15, Daniel; 5-2, minuto 29, Kini; 6-2, minuto 30, Kini; 7-2, minuto 32, Miguel; 8-2, minuto 37, Miguel; 8-3, minuto 38, Carlos; 8-4, minuto 38, Keko; 8-5, minuto 39, Fabio
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
