Espazo Ecosocialista apoia a Iniciativa Lexislativa Popular para a aplicación dos principios de redución, reutilización e reciclaxe de residuos en Galicia
Para os ecosocialistas galegos a incineración de residuos amosa un fracaso ambiental, social e económico
O recente anuncio da Consellería de Medio Ambiente desbotando a instalación dunha incineradora no Irixo en troques de ampliar as instalacións de SOGAMA en Cerceda reflicte o fracaso dun modelo que se ten demostrado incapaz de xestionar o problema do lixo, que opta pola solución máis lesiva ambientalmente e menos eficiente economicamente e que ten a menor taxa de reciclaxe.
Cunha taxa de reciclaxe irrelevante do 1,5% do total do lixo xestionado, SOGAMA supón a incineración do 51% do lixo que lle chega e o verquido directo no vertedoiro de Areosa do 48% restante. Este vertedoiro, actualmente en fase de ampliación, contén na actualidade 2 millóns de toneladas de refugallos. Por se non fora suficiente, entre estes residuos hai unha parte importante dos recollidos a través do programa SIGRE de recollida de medicinas caducadas en farmacias.
O propio modelo centralizado ten uns custos ambientais engadidos inherentes ao transporte de milleiros de Tn de lixo polo país adiante para trasladalos a Cerceda.
Namentres, as taxas de produción de lixo medran un 4,7% anual na nosa sociedade
En resumo, o modelo SOGAMA fracasa na prevención da xeración de lixo, fracasa no reciclado e fracasa no tratamento. Mais os nosos gobernantes prefiren mirar para outro lado.
Espazo Ecosocialista, en consonancia cos grupos ecoloxistas galegos, esixe unha reformulación completa do Plano de Xestión de Residuos Sólidos Urbanos de Galicia asentado en cinco eixos:
1. Actuación decidida na prevención da xestión de residuos. Unha taxa de aumento de preto do 5% anual é inviable ambiental, económica e socialmente ademais de desbaldir recursos cada vez máis escasos e necesarios. Cumpre delimitar, lexislativamente se é preciso, os materiais e procesos xeradores de residuos para apoiar os reciclados e reciclábeis, incentivando os sistemas de devolución e retorno e a desincentivación do emprego superfluo de materiais ( envases, etc..). Debese fomentar á reutilización sendo os puntos limpos municipais sexan un punto chave na implementación destas prácticas;
2. Cambio de modelo apoiado na divulgación e concienciación sobre a problemática dos residuos e asentado nunha participación directa, activa e continuada da cidadanía;
3. Comarcalización do novo sistema, evitando os custos suplementarios do transporte de longa distancia;
4. Recuperación e posterior compostaxe da fracción orgánica do lixo que representa máis do 50% da bolsa de lixo dun fogar medio. Optimización da recuperación e reciclado. Abandono da incineración;
5. Intensificación da recuperación e reciclaxe.
Consecuentemente, Espazo Ecosocialista apoia a Iniciativa Lexislativa Popular para a aplicación dos principios de redución, reutilización e reciclaxe de residuos en Galicia desenvolvida polos principais grupos ecoloxistas galegos e outras entidades sociais e anima á cidadanía a sumar a súa sinatura para acadar un verdadeiro cambio de modelo que reduza drasticamente a xeración de residuos.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
