JAVIER PARDEIRO: ‘ESTE É O MELLOR INICIO LIGUEIRO DO BURELA FS EN PRIMEIRA’
Din que a experiencia suma puntos. Pois as tres tempadas en Primeira División Feminina no ronsel do Burela FS Pescados parece que lle están proporcionando as táboas necesarias ao conxunto laranxa para facer desaparecer as vellas pantasmas dos inicios tatexantes e entrar con pé firme en 2012-13. “Este é o mellor inicio ligueiro do Burela FS en Primeira; a clave está en poder adestrar durante toda a semana con intensidade. Tan só espero que as lesións nos respecten para seguir traballando a un nivel alto e seguir progresando na competición” pediu Javier Pardeiro, exultante tras a goleada do primeiro derbi galego, na pista do Ponte Ourense (0-6).
“Todo nos saíu ben dende o primeiro minuto. Conseguimos unha presión asfixiante, sen deixarlles saír do seu campo, e unha defensa en zona alta, coa que non puideron pensar con claridade” explicou o técnico burelao, que xa pode presumir de 7 puntiños nas tres primeiras xornadas, sen coñecer a derrota.
Agora tocar na próxima cita para seguir “in crescendo”. Incluso nunha mellor dinámica que as mariñás, o Diamante Logroño visitará o Vista Alegre, este sábado (18.30 horas). As logroñesas saltarán á pista na cuarta xornada con 9 puntos (Centelles 4-1, Ponte Ourense 2-3 e Cidade das Burgas 3-1). As pupilas de Javier Pardeiro buscarán tres novos puntos ante un rival que o técnico xa cualificou de “ultradefensivo e moi reforzado dende o último tramo da tempada pasada”: “Esperamos un equipo que non vai querer a pelota, cunha posición moito máis atrás de media pista, intentando saír ao contragolpe. Sen dúbida, teremos que ter paciencia para abrir as súas liñas” diagnosticou o adestrador laranxa.
Lidia Mesías, inmersa na concentración da Selección Española dende o domingo pasado, reincorporarase ao cadro mariñán o xoves.
Loito no fútbol sala
A xogadora do Diamante Logroño Bárbara Blanco, de 21 anos, faleceu o sábado pasado despois dunha longa enfermidade. O CD Burela FS Pescados Rubén quere mandar o seu pésame e unha mensaxe de ánimo á familia e amigos de Barby, así como ao conxunto rioxano
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
