Goleada burelá (0-6) no derbi ante Ponte Ourense
O Burela Pescados Rubén feminino levou o triunfo no derbi galego en terras ourensás ante o Ponte Ourense por un contundente 0 a 6. O equipo dirixido por Pardeiro encarrilaba o choque con tantos nos primeiros cinco minutos de xogo, obra de Peque de volea á saída dun saque de banda botado por Lucía e o segundo, da propia Lucía, de falta directa.
O Ponte Ourense tratou de encaixar o golpe, pero o poderío físico das burelás comezaba a marcar diferenzas sobre a cancha. Ao fío do descanso, Dany aproveitando un saque longo de Jozi, deixaba un cómodo 0 a 3 para as lucenses no intermedio. A brasileira facía o cuarto tanto ao pouco da continuación, aproveitando un balón rexeitado a remate de Lida.
Pouco despois o Ponte optaba por alternar o xogo de cinco en busca dunha reacción, aínda que Peque desde cancha propia e a porta baleira anotaba o quinto tanto e, dous máis tarde, Lida nun novo saque en longo de Jozi facía o sexto tanto burelá tamén a porta baleira. O Ponte Ourense tratou de recompor o seu xogo e buscar unha maior posesión de balón que lle permitise atopar físgoas, ante un Burela que administrou a súa folgada renda ata acabar impóndose por primeira vez na cancha ourensá ante o Ponte.
Ficha do partido
Ponte Ourense: Loli, Rosángela, Drica, Vanesa e Sarita (quinteto inicial). Tamén xogaron, Ana, Chiqui, Cárol e Noe.
Burela FSF Pescados Rubén: Jozi, Lucía, Dolo, Peque e Dany (quinteto inicial). Tamén xogaron, Maite,, Lida, Haydée e Lara.
Goles: 0-1, min. 1 Peque; 0-2, min. 5 Lucía; 0-3, min. 18 Dany; 0-4, min. 25 Dany; 0-5, min. 28 Peque; 0-6, min. 30 Lidia.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
