Comeza en Ribadeo a “Ruta dos chiquitos”, unha tradición que tivo moito arraigo na vila, organizada por ACISA

MAÑÁ COMEZA A RUTA DOS CHIQUITOS QUE ORGANIZA ACISA. UNHA TREINTENA DE LOCAIS HOSTALEIROS OFRECERÁN ESTES VIÑOS QUE PODERÁN ACOMPAÑARSE DE PINCHOS DAS DISTINTAS COMUNIDADES AUTÓNOMAS DESTE PAÍS.

Ribadeo, 30 de octubre de 2012. Mañá, 31 de outubro, pola noite da comezo en Ribadeo a ruta dos chiquitos que organiza a Asociación de Comerciantes, Industriais, Servizos e Autónomos.

O presidente de ACISA, Roberto Rivas, indica que “con esta iniciativa o que pretendemos é recuperar en Ribadeo unha tradición que tivo moito arraigo na vila e que se foi perdendo pouco a pouco. Aquí era normal saír de chiquitos cos amigos. Queremos que eso se recupere e que teña duración no tempo na hostalería ribadense”. Ademáis na treintena de establecementos participantes poderánse degustar pinchos típicos das distintas comunidades autónomas deste país ao prezo de 0,50 euros. Rivas Tomé sinala que “os pinchos e tapas servirán para promocionar a recuperación desta tradición durante esta ponte festiva de catro días. É unha forma de animar á xente a sair da casa”.

Desde a directiva de ACISA o seu presidente manifesta que “Ribadeo ten nove meses para dinamizar o seu comercio e a súa hostalería. Ese é o noso traballo, é o que nos temos que propoñer, estamos tentando traballar para eso e contamos cos socios de ACISA, coma nesta ocasión, que tamén nos propoñen ideas que se levan adiante”.

Roberto Rivas anima a achegarse a Ribadeo durante esta ponte festiva “a coñecer unha tradición que estivo moi presente na nosa vila. Que disfruten dos chiquitos e das propostas gastronómicas que lles ofrecerán os trinta locais participantes. Todos se van esmerar ao máximo para que esta iniciativa siga adiante no tempo”.

Os establecementos hostaleiros que participan son: Ribanzo Pub, Mesón A Baixada, Restaurante Sapore, La Cervecería, La Balastrera, Pizzbur, A Ribeira, Taberna El Cabás, Bar Queimada, La Botellería, La Quinta, San Roque, Hotel Restaurante Voar, Bar Nevada, El Rincón del Gordo, Mesón O Alén, Café Pub O Valeco, Mesón Compostela, Restaurante La Villa, O Bodegón, Delicias, Parador de Turismo, Restaurante Costa Verde, Mesón O Lar de Manolo, Restaurante O Tumbín, Restaurante Marinero, Restaurante A Dorada do Cantábrico, Cafetería Linares, Restaurante La Solana e Hotel AG Porcillán.

A ruta Chiquito a chiquito percorre España prolongaráse ata o vindeiro domingo, 4 de novembro, a mediodía.