ERMIDA DEFINE AO PARTIDO POPULAR COMO UNHA MÁQUINA DE FACER PARADOS
Os nacionalistas amosan o seu rexeitamento á ofensiva ideolóxica dos populares contra as mulleres
O desemprego feminino incrementouse na comarca dende 2009 en máis dun 20 por cento
O BNG comprométese a impulsar un plan de emprego feminino postuniversitario para procurar empregos acaídos á titulación das mulleres con maior nivel formativo da historia do país
Xove, 12 de outubro de 2012. Durante o mitin celebrado esta tarde en Xove, a candidata número 3 do Bloque Nacionalista Galego ao Parlamento de Galiza pola provincia de Lugo, Ana Ermida, acusou ao partido de Núñez Feijóo de “ser unha máquina de facer parados” e insistiu en que “isto non o dí o BNG senón que o din os datos publicados polo Servizo Público de Emprego Estatal”. Desde agosto de 2009 até agosto deste ano, o desemprego incrementouse na comarca un 37 por cento, pero o fixo dun xeito virulento entre as mulleres, colectivo no que no o aumento superou o 20 por cento.
“As declaracións feitas polo popular Castelao Bragaña contra as mulleres – explicou a candidata nacionalista- unidas a que vimos de rematar unha lexislatura na que o Partido Popular cuestionou os nosos dereitos desmantelando toda a estrutura administrativa dirixida a dar corpo ás políticas a prol da igualdade, amosan o nulo respeto de Núñez Feijóo polas mulleres ás que, unha e outra vez, a súa formación intenta relegar ao cumprimento do rol que tiñan atribuído tradicionalmente, na casa e ao coidado dos fillos”.
Desde o Bloque Nacionalista Galego denuncian a “ofensiva ideolóxica” do Partido Popular ao que acusan de rexeitar calquera proposta encamiñada a favor da corresponsabilidade, da mellora á atención ás vítimas de violencia de xénero ou ao fomento do traballo en igualdade.
Para Ermida o papel das mulleres galegas “é determinante para saír da crise” e por iso dende o BNG comprométense a retomar as políticas de igualdade, a fomentar a contratación e a inserción laboral deste colectivo mediante políticas deseñadas especificamente. “É necesario realizar un plan de emprego feminino pensado para lograr a inserción laboral das mulleres desempregadas, especialmente ás comprendidas entre os 25 e 44 anos, franxa de idade na que, na provincia de Lugo, o paro sufriu un aumento do 28 por cento”.
“O 21 de outubro as galegas e os galegos –continuou a candidata nacionalista- poden elixir evitar que as consecuencias da reforma laboral do Partido Popular sigan cebándose coas mulleres. A modificación do permiso de latancia, a eliminación das bonificacións ás empresas para a incorporación das mulleres que disfrutaran dunha excedencia ou a desnaturalización dos contratos a tempo parcial, están a dificultar a conciliación entre a vida laboral e a vida familiar”.
Ana Ermida rematou a súa intervención lembrando que “Galiza está a desperdiciar o valor de varias xeracións que son as mellores preparadas da historia da país”. Nese senso, anunciou que o BNG traballará para deseñar e aplicar un programa de fomento do empreego postuniversitario, a fin de procurar empregos acaídos á titulación das mulleres con maior nivel formativo.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
