ANA ERMIDA REIVINDICA O PAPEL DO SECTOR PRIMARIO PARA SAÍR DA CRISE
“Co Partido Popular no goberno houbo semanas nas que fecharon até 10 explotacións gandeiras”
O BNG comprométese a impulsar a constitución dun Grupo Lácteo galego
“Galiza pode elixir un goberno nacionalista que porá o acento na calidade dos alimentos galegos e na función social e territorial da actividade agraria”
A Mariña, 14 de outubro de 2012. O Bloque Nacionalista Galego da comarca da Mariña aproveitou os actos de campaña celebrados hoxe para reivindicar a importancia do medio rural e do sector primario na economía galega e criticar a política destrutora do Partido Popular que, durante os últimos tres anos e medio, provocou o feche de máis de 3.000 explotacións gandeiras en todo o país.
A candidata número tres da formación nacionalista ao Parlamento de Galiza pola provincia de Lugo, Ana Ermida, denunciou a forte destrución de emprego por conta allea e propia que está a sufrir o sector primario a consecuencia dun goberno popular cuxas políticas causaron un empeoramento das condicións socioeconómicas do rural galego. “En todos os eidos, no produtivo, no educativo, no sanitario e no dos servizos sociais, o Partido Popular despreza o rural fronte ao urbano, sumindo ao noso campo no despoboamento e no abandono”.
“Vimos de rematar unha lexislatura – continuou a candidata do BNG- na que os populares esnaquizaron os avances estruturais que se tiñan acadado no pasado; paralizou o Banco de Terras, eliminou as unidades de xestión forestais e sobor de todo deixou de apoiar as políticas produtivas. As políticas involutivas do executivo de Núñez Feijóo provocaron que no último ano houbese semanas nas que chegaron a fechar até 10 explotacións gandeiras”.
Dende o BNG insistiron en que “‘acaba de rematar unha lexislatura caracterizada polo ataque directo e constante contra as explotacións leiteiras. Co Partido Popular a indefensión dos produtores acadou límites insospeitados trala eliminación dos contratos homologados, do Observatorio do Sector Lácteo e da Mesa do Leite”.
Para Ana Ermida “Galiza ten que loitar por ser escoitada nas negociacións europeas que afecten ao agro para poder defender un modelo de desenvolvemento agrario e rural propio. O vindeiro domingo, os galegos e as galegas teñen a oportunidade de elixir a un partido como o BNG que sempre vai loitar pola configuración dunha política que corrixa os fortes desequilibrios existentes sen renunciar á eficiencia produtiva. Galiza merece un goberno que poña o acento no respecto ao medio ambiente, na calidade dos alimentos e nas función sociais e territoriais da actividade agraria”.
“Co BNG no goberno de Galiza – rematou a candidata- o sector lácteo non volverá a estar desprotexido; impulsaremos a constitución dun Grupo Lácteo galego e impulsaremos un sistema de fixación de prezos que resolva o problema da falla de transparencia”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
