O BNG CRITICOU O GASTO DO GRUPO DE GOBERNO DE CERVO AO TEMPO QUE SOBEN AS TAXAS SEN DISCRIMINAR AQUELAS QUE TEÑEN MAIS INCIDENCIA SOCIAL.
OS NACIONALISTAS NON APOIARON TRASLADAR AS COMPETENCIAS DE TRÁFICO Á GARDA CIVIL E CRITICARON A PROGRESIVA ELIMINACIÓN DA POLICÍA MUNICIPAL
Cervo, 31 de outubro de 2012. Na sesión plenaria extraordinaria celebrada onte pola corporación de Cervo o grupo de goberno do PP negouse a aceptar unha emenda do BNG para conxelar aquelas taxas que teñen maior incidencia social e aquelas que gravan ao pequeno comercio e hostalería. O BNG presentaba emendas para conxelar as taxas que dentro da proposta da alcaldía tiñan maior contido social(OF. 18 sobre os servizos da piscina de Lieiro, OF.35 das Escolas Deportivas) ou aquelas que gravan ao pequeno comercio e hostalería(OF. 17 pola instalación de mesas na vía pública), un total de cinco Ordenanzas Fiscais que ao entender do BNG deberían quedar conxeladas para evitar a exclusión de determinados servizos daquela xente que está sufrindo con maior crueza a crise económica.
O PP NON APOIOU AS EMENDAS DO BNG PARA A CONXELACIÓN DAS TAXAS QUE GRAVAN SERVIZOS SOCIAIS E AO PEQUENO COMERCIO E HOSTALERÍA
Os nacionalistas criticaron que o goberno local mantivera conxeladas as taxas en época de bonanza económica e agora cando mais golpeada está a sociedade polas situacións de desemprego e inestabilidade laboral aplican subidas consecutivas, no ano 2011 un 4,8% e agora un 4,3%, sen discriminar aquelas taxas que teñen maior contido social como puideran ser as ordenanzas do Servizo de Axuda a Domicilio, a do Punto de Atención Infantil, a da piscina de Lieiro ou as Escolas Deportivas. O BNG puxo sobre a mesa tamén a necesidade de conxelar aquelas que gravan ao pequeno comercio e hostalaría, fortemente golpeado pola crise.
Na mesma liña, comparou a presión fiscal sobre a cidadanía exercida polo PP con medidas como a suba do IVE, o incremento das retencións do IRPF ou o IBI coa ausencia de recortes nos gastos do grupo de goberno que mantén seis dos seus sete membros cobrando das arcas municipais e multiplicando por dous os cobros por asistencia a Xuntas de Goberno. Igualmente pediu a eliminación do gabinete de prensa por ser un gasto prescindíbel e lembrou os 48.000 euros de gasto previsto no orzamento para propaganda e protocolo que estaban mellor investidos en gasto social.
PREVISÍBEL PERDA DO SERVIZO DE POLICIA LOCAL CO TRASLADO DE COMPETENCIAS DE TRÁFICO Á GARDA CIVIL.
Os nacionalistas votaron en contra do traslado das competencias de tráfico en zona urbana á garda civil ao entender que isto xa é o último golpe para acabar co servizo da policía local despois de moitos anos de existencia no concello. Para o BNG este feito deberá anotarse no debe do PP dende a súa chegada ao goberno local ao igual que a constante baixada de poboación e a perda de categoría como concello ao baixar de 5.000 habitantes, neste sentido lembraron que a perda da policía local dificilmente será recuperábel ao baixar en poboación dos mínimos esixíbeis para contar con este servizo. Na mesma liña, trasladaron ao goberno local a súa crítica pola ausencia de xestión para manter o servizo, Cervo conta hoxe cunha policía local e un auxiliar por xubilacións e traslados, algún deles por certo por fartura da presión exercida polo goberno local para facer traballos impropios do seu cargo.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
