O BURELA B, CON DESCONFIANZA NA CASA DO BUEU
O Burela FS Pescados Rubén B visita o sábado o ADFS Bueu, rival que vén de empatar na casa do líder, O Esteo (2-2), facéndolle perder os seus primeiros puntos. A sétima xornada de Terceira División arrincará no municipal da localidade pontevedresa, ás 16.45 horas. “Non podemos confiarnos. Co Esteo foi capaz de dar a sorpresa a domicilio e na súa pista será aínda máis difícil” advertiu o laranxa Diego Blanco Jorge, máis coñecido como ‘Keko’.
O cadro mariñán chega avantaxando en dous puntos ao Bueu e coa moral alta tras volver ao camiño do triunfo coa vitoria en derbi comarcal (4-3): “O resultado e o emocionante duelo ante o Cidade de Viveiro deixounos moi motivados. Traballamos con máis ganas aínda durante toda a semana para facernos cos tres puntos en Bueu e seguir sumando”, dixo o burelista, que xa tivo sobre os seus ombros a capitanía xuvenil e en 2012-13 estase revelando como unha das grandes referencias ofensivas do conxunto de Iván Cao ‘Lucas’.
Keko, segundo na lista de pichichis laranxas con 5 tantos por detrás de Fabio (8), amosouse moi orgulloso, e un pouco abraiado, da fortuna goleadora que está experimentando neste inicio ligueiro, unha faceta que o equipo está traballando para perfeccionar: “Non estou acostumado a ser moi goleador, pero é unha sorpresa agradable porque todos os goles son importantes para o equipo, pero máis aínda tendo en conta que xeramos moitas ocasións con escasa porcentaxe de acerto. Para pulir ese obstáculo estamos realizando traballo específico durante a semana” puntualizou o deportista.
Para o sábado, o gran reto dos laranxas será ademais a resposta de efectivos. Lucas desprazarase con varios xogadores entre algodóns; ás dúbidas de Fabio e Antón, que arrastran molestias, sumarase a do propio Keko, cunha inflamación no xeonllo dende o sábado pasado que lle impediu adestrar con normalidade estes días.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
