O BURELA FS LEVANTA UN 0-2 EN CONTRA E VOLVE Á BOA SENDA NO DESAFÍO MARIÑÁN
O Burela FS Pescados Rubén B volveu esta fin de semana á boa senda no seu primeiro desafío mariñán de Terceira División, coa visita do Pizzbur Cidade de Viveiro (4-3) a Vista Alegre. O cadro laranxa levantou o 0-2 en contra do primeiro período no que o seu técnico, Iván García ‘Lucas’, cualificou de “intenso derbi no que os rapaces non baixaron os brazos e souberon sufrir ata o final, sendo merecedores do resultado final”.
Aínda que os burelistas entraron no encontro con garra xerando moitas ocasións, foron os viveirenses os que souberon sacar a renda, aproveitando os erros locais para poñerse por diante no marcador. A cita xa se lles puxo costa arriba aos laranxas aos 2 minutos, cun gol de Paxi, que incrementou Marcos no 12.
Tras o descanso, o Burela FS fíxose co dominio do partido, pechando os da cidade do Landro na súa pista. A tentativa de revulsivo na contra de Fabio (1-2, minuto 24) tivo unha excesiva recompensa segundos despois para os visitantes nunha das súas escasísimas chegadas. No entanto, os de Lucas non se viñeron abaixo e seguiron asediando a meta rival; así, cun lanzamento de Antón dende os 10 metros e o tanto de Paxi en propia porta subiron a igualada ao electrónico, 3-3. O gol da vitoria volveuno asinar Fabio, no 36, nun contragolpe dirixido por Bruno de Nois, nunha recta final de infarto. Os viveirenses intentaron esgotar os últimos cartuchos coa arma do porteiro-xogador sen crear apenas perigo ata a bucina final.
Ficha técnica
Burela FS Pescados Rubén B: Erik, Carlos, Fabio, Keko e Bruno de Nois, no cinco inicial; tamén xogaron Antón, Souka, Xoia e Hélder.
Pizzbur Cidade de Viveiro: Paxi, Pablo, Víctor Meitín, David e Miguel Ángel, no cinco inicial; tamén xogaron David Pérez, Marcos, Alejandro e Diego.
Goles: 0-1, minuto 2, Paxi; 0-2, minuto 12, Marcos; 1-2, minuto 24, Fabio; 1-3, minuto 25, David; 2-3, minuto 28, Antón; 3-3, minuto 34, Paxi (en propia porta); 4-3, minuto 36, Fabio
Árbitros: Saa Mateos e Darriba Villamor
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
