Terceira vitoria consecutiva e acceso ao liderado
O Burela Pescados Rubén enlaza a súa terceira vitoria consecutiva ao imporse ao Diamante Rioxa por 1-0. Con este resultado, o conxunto dirixido por Javier Pardeiro sitúase no grupo que encabeza a clasificación da Primeira División. Orvina, Alcorcón e Atlético de Madrid comparten co equipo mariñán o liderado.
A escuadra burelense superou a un Diamante Rioxa que demostrou que o seu bo inicio ligueiro non é casualidade. As rioxanas mostráronse como un equipo sólido, competitivo e perigoso en ataque, aínda que o seu potencial ofensivo foi minimizado pola presión e o rigor defensivo local. Desde o asubío inicial a intensidade foi máxima en ambos os contendentes, sendo o equilibrio a tónica nun primeiro período con escasas ocasións. Ao descanso chegouse co empate inicial. No segundo asalto, o Burela saíu con determinación para derrubar o ferrollo rioxano que saltou polo aire co gol de Peque. A xogadora burelense aproveitou un rexeite de Lala, tras disparo de Maite, para situar o 1-0 no marcador, minuto 26. A raíz do gol, o Burela dispuxo de varias oportunidades para aumentar a súa renda pero Lala logrou manter ao seu equipo no partido. Nunha emocionante recta final, o Diamante Rioxa optou polo xogo de cinco, minuto 37, que o Burela neutralizou con suficiencia e ata puido aumentar a súa renda nun par de ocasións de Maite. Non se moveu o marcador. O Burela Pescados Rubén sumou tres importantes puntos, superando a un bo rival e sobrepóndose á ausencia por lesión da súa goleadora Dany.
Ficha técnica
Burela Pescados Rubén: Jozi, Lucía, Dolo, Lidia, Peque –cinco inicial- Maite, Haydee e Lara.
Diamante Rioxa: Lala, Carmen, Bea Martín, Eva, Shio –cinco inicial- Bea Ascacíbar, Garu e Cristina.
Goles: 1-0, min.26, Peque.
Árbitros: Bello Castro e Ruano Melón. Colexio Galego.
Incidencias: Gardouse un minuto de silencio en memoria de Bárbara Blanco, xogadora do Diamante Rioja, falecida tras unha longa enfermidade. 500 espectadores en Vista Alegre.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
