O CONCELLO CONSEGUE A BANDEIRA VERDE DE FUCI EN TRES APARTADOS. GONZÁLEZ BARCIA SUBLIÑA QUE O EQUIPO DE GOBERNO É O MÁIS DIGNO HERDEIRO DO TRABALLO INICIADO HAI QUINCE ANOS.
Burela, 31 de outubro de 2012. O Concello de Burela consegue de novo a bandeira verde en tres apartados: residuos, limpeza e xardiñeiría; compromiso ambiental; e educación ambiental e participación cidadá. Os premios que convoca a Federación de Usuarios e Consumidores Independentes (FUCI) seránlles entregados aos Concellos galardoados no primeiro trimestre de 2013.
A concelleira de Medio Ambiente, Patricia López Eijo, amósase satisfeita por este recoñecemento e lembra que “este galardón convócase desde o ano 1998. O Concello de Burela recibiu no 2003 a mención de ouro, que se conseguía tras cinco anos consecutivos obtendo o premio bandeira verde”. A edil popular engadiu que “desde que se estableceron as diferentes categorías ás que optan os Concellos Burela conseguía nos anos 2008 e 2009 o recoñecemento en catro dos cinco apartados posibles e no 2010 recibía o premio nas cinco modalidades. Foi o único Concello de Galicia en conseguilo”.
Patricia López explica que “no 2011 non se convocou o premio bandeira verde-municipio responsable, que sí volta este ano avaliando as actuacións realizadas desde o 2010. Agora logramos o galardón en: residuos, limpeza e xardiñeiría; compromiso ambiental; e educación ambiental e participación cidadá”. A Federación de Usuarios e Consumidores Independentes recoñece coa bandeira verde a xestión medio ambiental e de consumo responsable por parte dos Concellos.
O alcalde, José Mª González Barcia, subliñou que “en Burela conseguimos a primeira bandeira verde en 1998 y fomos dos primeros de Galicia en acadar este premio. En 1999 tamén recibimos a bandeira verde de Galicia. Todo esto ocasionou que a nosa participación en congresos e seminarios en materia medio ambiental fose intensa”.
Para o rexedor “este premio ven demostrar que todo o que se fixo fíxose con rigor. Empezamos hai 15 anos en momentos que non eran fáciles a nivel económico, puxemos en marcha as distintas recollidas selectivas, bolsa amarela, papel cartón, vidro, con medios modestos e limitados e hoxe Burela medio ambientalmente falando segue a ser un referente”.
González Barcia tamén aludiu ás outras distincións que recibiu Burela “coma as bandeiras azuis das praias, do barco museo e de Gaia” e dixo que “esto foi posible gracias á tenacidade dos responsables políticos, ao empeño e ao traballo dos traballadores municipais de aquelo que ten ver co medio ambiente e ao compromiso dos cidadáns. O noso interés a partires de agora estará centrado en cuestións de aforro enerxético no alumeado público. Algo que contribuirá á preservación do medio ambiente e ao aforro económico ao Concello e a todos os cidadáns, pero sen olvidarnos do día a día en materia medio ambiental”.
Desde o equipo de goberno “somos conscientes de que hai que mellorar moitas cousas, sobre todo tendo en conta o cambiante da sociedade actual. Non se pode poñer en dúbida o empeño deste equipo de goberno. Somos os máis dignos herdeiros do traballo iniciado hai quince anos. O bipartito mantivo un espírito continuista neste ámbito, aínda que se perdeu a presencia coma referente que Burela tiña en materia de medio ambiente”. O rexedor lembrou que a primeira bandeira verde que recibiu o Concello recolléuna sendo alcalde de mans de José Manuel Romay Becaría coma Ministro de Sanidad y Consumo.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
