O VINDEIRO LUNS, 29 DE OUTUBRO, OS PROPIETARIOS DAS FINCAS RESULTANTES DO PROCESO DE REPARCELACIÓN DA UNIDADE DE TORRENTES RECIBIRÁN TODA A DOCUMENTACIÓN QUE OS ACREDITA COMO TAL. O ALCALDE AMÓSASE SATISFEITO POR PECHAR UN PROCESO QUE NON FOI SINXELO.
Burela, 26 de outubro de 2012. O vindeiro luns, 29 de outubro, ás 20 horas no auditorio da Casa da Cultura de Burela terá lugar o acto de entrega das separatas da documentación rexistral de todas e cada unha das fincas resultantes do proceso de reparcelación da unidade de Torrentes, segundo anunciaba este mediodía o alcalde.
José María González Barcia lembrou que “esta unidade de actuación botou a andar no ano 2005. As obras foron adxudicadas na nosa etapa anterior no equipo de goberno do Concello, en abril de 2007, e cando voltamos as obras estaban sen rematar. O peor é que no rexistro da propiedade de Viveiro durante os catro anos do bipartito burelés non se movera nin un só papel para resolver e poñer ao día a documentación que os propietarios teñen que ter para que acredite a propiedade das fincas resultantes”.
O alcalde burelés subliñou que “o vindeiro luns se entregará toda a documentación que acredita de forma fiel a propiedade das distintas fincas. Aí se incorpora tamén o número de identificación catastral de cada unha das fincas resultantes e o que está a facer o Concello desde este momento é recoller toda a documentación para levarlla ao catastro e así que os propietarios teñan tanto no rexistro coma no catastro a documentación e a propiedade perfecta e absolutamente acreditada”.
Para o equipo de goberno “esto significa pechar un proceso que non foi sinxelo. O proceso de inscrición das fincas no rexistro da propiedade comenzámolo a finais do verán pasado, hai algo máis dun ano, e tivo os seus avatares porque houbo que modificar a documentación entregada en principio, houbo que engadir novos datos…”. González Barcia indicou que “para nós é unha satisfacción poder entregar esta documentación, estas separatas, ás veces mal chamadas escrituras, pero así ao mellor é máis fácilmente entendible pola xente, porque a partires de agora cada propietario terá total acreditación da súa propiedade aos efectos que consideren oportunos”.
Ao acto do vindeiro luns, 29 de outubro, os propietarios desas fincas da unidade de Torrentes deberán levar o documento nacional de identidade.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
