Ortigueira, 12 de setembro, 2025. O Teatro da Beneficiencia acolleu hoxe, venres 12 de setembro, a entrega de diplomas da II edición do Obradoiro dual de emprego “Terras do Ortegal II”, que contou coa participación de 19 alumnos e alumnas traballadoras e que tiveron a oportunidade, durante 9 meses, de formarse e obter o certificado de profesionalidade de nivel 2 SSCS0208 Atención sociosanitaria a persoas dependentes en institucións sociais.
Os alcaldes de Ortigueira, Valentín Calvín; Cerdido, Alberto Rey; Mañón, Alfonso Emilio Balseiro; e a alcaldesa de Cariño, Ana María López participaron na entrega dos diplomas aos 19 alumnos e alumnas que asistiron e que superaron a formación que conduce á obtención do certificado de profesionalidade de Atención sociosanitaria a persoas dependentes en institucións sociais.
Nesta ocasión, a cita tamén contou coa delegada territorial da Xunta de Galicia, Martina Aneiros, e o director territorial, Juan José Couce, que quixeron acompañar ao alumnado na clausura desta formación que pon fin a 9 meses de formación e emprego. Tamén asistiron representantes das asociacións de adaptación Ferrol, de ASPROMOR e da residencia de maiores.
Na súa intervención, a delegada territorial puxo en valor este tipo de formacións que axuntan formación teórico-práctica” prestando atención ás necesidades de cada contorna, neste caso unha comarca cunha poboación moi dispersa e envellecida”, explicou, “como a vía máis efectiva para acadar unha integración laboral máis alta que, a fin de contas, é o obxectivo que perseguimos”.
O alumnado quixo agradecer á Residencia de maiores ‘Dolores Díaz Dávila’, a ASPROMOR e ó Servizo Específico de Estimulación Terapéutica do Alzheimer e outras Demencias xestionado por AFAL Ferrolterra pola oportunidade brindada durante estos meses de visitar e realizar prácticas nas súas instalacións onde puideron consolidar ou adquirir habilidades para o desempeño da súa profesión.
O Obradoiro dual de emprego está subvencionado pola Consellería de Emprego, Comercio e Emigración da Xunta de Galicia cun importe de 411.870,09€ e co financiado polos Concellos de Ortigueira, Cariño, Cerdido e Mañón con 15.000€.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
